Taniela 4:31 - Tosi Tapu

³¹ Kae e leikiaise oki le masau mei le gutu o le sau, kae ko leinei, na au loa se leo mei le lagi : Ke ke iloa, sau ko Nepukatenesale, e too loa lou puleaga meiate koe.

Taniela 4:31 ပူးပေါင်းရင်းမြစ်များ

Senesi 14:18

Na fakatotonu loa e Melekiseteke, sau o Salemi, ke avake se pane mo se vino : na pelepitelo a ia o le Atua Taualuga.

Sopo 20:23

Ti ko leinei, e kakau mai loa e le Atua kiate ia le afi o lona sausau, Ke fakaapele ia lona manava, Ti e fakamakona loa e ia a ia ki se ua gasau.

Pesalemo 145:13

Ko lau pule ko se pule i sekulo fuli, Ko lou makeke e lau i tautupu fuli.

Taagapati 29:23

Ko le fia nealasi o se tagata e tuku ia a ia ki lalo, Kae ko leia e loto fakataulalo e maua ia le kololia.

Esaia 14:27

Kua too e le Eteleno o kau tau le fakapapau lena : Ko ai e fakafesagai loa ki ai ? Kua siki lona lima, ko ai e peluki ia loa a ia ?

Taniela 12:7

Ti na kau logo loa ki le tagata kofu tea, leia na tuu i aluga o vai o le vaitafe ; na siki loa e ia ki le lagi lona lima atamai mo lona lima sema, ti na fakapapau loa a ia i leia e mauli o lee gato, e soko loa i se temi, mo ni temi, ti mo se vaeluai temi, ti e oki loa nea fuli ana i le aso leia e fatifatii ai loa le makeke katoa o le kakai maokioki.

Taniela 4:24

Ko leinei lona uiga, ei sau, ko leinei le fakatuutuu a le Atua Taualuga, leia e fakasoko loa ki loku aliki, le sau.

Taniela 4:26

Ko le fakatotonu leia ke tuku le tafito leia e tuu ai a aka o le laakau : ko lona uiga e toe tuku loa lou puleaga kiate koe i le aso leia e ke iloa ai loa ko leia e pule e nofo i le atu lagi.

Taniela 4:30

ti na masau loa le sau, o pati : Pe leaise ko Papilone leinei, le kolo lasi leia na kau laga ko se nofoaga fakasau, ke fakasa ai le lasi o loku makeke, mo le kololia o laku pule.

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Taniela 5:20

Kae i le aso leia na fia nealasi ai a ia ti na fakafefeka ai e ia lona loto, na ti loa a ia ki lalo mei lona ekeekeaga fakasau, ti na too loa meiate ia lona kololia ;

Taniela 5:28

Vae : kua vae lou puleaga, ti kua soli a ia ki le kau Meti mo le kau Pelesi.

Taniela 6:27

Ko ia leia e saofaki ia ti e fakamauli ia, leia e fai ia ni fakamailoga ti mo ni nea fakamanamana i le lagi mo le kele. Ko ia leia na saofaki ia Taniela mei le makeke o laione.

Mateo 3:17

Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Luka 12:20

Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?

Soane 12:28

Tamana, fakakololia lou suafa ! Ti na au loa se leo mei le lagi : Kua kau fakakololia a ia, ti e kau toe fakakololia loa a ia.

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.

Apokalipisi 16:7

Ti na kau logo loa ki se tasi ake aselo leia na pati mei le aletale : Io, Aliki ko le Atua Mafimafi, e agatonu mo maokioki au fakamaau.

Uluaki tosi a Samuele 13:14

kae i le lakaga nei e leaise fualoa loa lou pule. Kua filifili e le Eteleno kiate ia se tagata ofai ki lona loto, ti kua fakatotonu e le Eteleno kiate ia ke pule ki lona kakai, talie na leaise ke fakalogo ki le nea leia na fakatotonu atu e le Eteleno kiate koe.

Uluaki tosi a Samuele 15:23

Talie e tatau le agasala o le patigataa mo le agasala o le tausi fakatemonio, ti e tatau le fakafefeka mo le tausi ki taulaatua mo fakatata. O tupu kua ke tiaki le folafola a le Eteleno, e toe tiaki loa a koe e le Eteleno ke aua na ke toe sau loa.