Taniela 4:30 - Tosi Tapu

³⁰ ti na masau loa le sau, o pati : Pe leaise ko Papilone leinei, le kolo lasi leia na kau laga ko se nofoaga fakasau, ke fakasa ai le lasi o loku makeke, mo le kololia o laku pule.

Taniela 4:30 ပူးပေါင်းရင်းမြစ်များ

Senesi 10:10

Na uluaki sau loa a ia i Papele, mo Eleki, mo Akati ti mo Kalene, i le fenua ko Sinea.

Esitele 1:4

Na fakasa loa e ia i ni aso mauke ai le lasi o koloa o lona puleaga ti mo le fulumalie o lona kololia, i aso e kau lelau kau valu.

Pesalemo 104:1

Loku laumalie, fakafetai ki le Eteleno ! Eteleno, loku Atua, e ke lasi ai ! E ke kofu ki le gigila mo le fulumalie !

Pesalemo 49:20

E ke ano maoki loa ki le nofoaga o ou tamana, Ala e leaise toe tio loa ki le malama i se aso.

Pesalemo 73:8

E lotou gologolo, ti e lotou masau fakaitaita ke fakamakeke, E lotou fai ni masau matasoka.

Taagapati 11:2

Ka soko le fia nealasi, ti e toe soko foki mo le luma ; Kae e nofo le poto i le agamalu.

Taagapati 16:18

E muamua le fia nealasi i le maumau, Ti ko le loto fia masiki i le siga.

Taagapati 29:23

Ko le fia nealasi o se tagata e tuku ia a ia ki lalo, Kae ko leia e loto fakataulalo e maua ia le kololia.

Esaia 13:19

Ti ko Papilone, le teuga o puleaga, Le fia tagataaga o le kau Kaletea, E fai loa pe Sotoma mo Komola, ala na maumaui e le Atua.

Esekiele 29:3

Masau, ti ke pati loa : E folafola le Aliki, le Eteleno, o pati : Ko leinei, e kau mamafa kiate koe, Falaone, sau o Esipito, Kolokotile lasi, leia e moe i loto malie o ou vaitafe, Leia e pati : Ko loku vaitafe, ko au leia na fai ia a ia !

Taniela 4:31

Kae e leikiaise oki le masau mei le gutu o le sau, kae ko leinei, na au loa se leo mei le lagi : Ke ke iloa, sau ko Nepukatenesale, e too loa lou puleaga meiate koe.

Apakuki 1:11

Ti e liuga tua lua e ia lona makeke, E soko atu e ia lana saele, ti e asilisili ake lana agasala. Ko lona makeke o ona, ko lena lona atua !

Luka 14:11

Talie ko leia e fia taualuga e tuku loa a ia ki lalo, ti ko leia e fakataulalo e siki loa a ia ki aluga.

Luka 14:9

ti na au leia na fakaafe ia koulua, o pati atu kiate koe : Tuku ake le nofoaga lena ki leia. E ke luma loa i le ano o nofo i le nofoaga fakamuli oki.

Uluaki tosi ki le kau Kolinto 10:31

Koia ka kotou kai ai, pe kotou inu, pe kotou fai se nea fua, kotou fai a nea fuli ke fakakololia ai le Atua.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.

Apokalipisi 14:8

Ti na muli loa iate ia se tasi ake aselo, ko se lua aselo a ia, o pati : Kua vilo Papilone, kua vilo le kolo lasi, leia na fakainu ia a puleaga fuli ke kona ki le vino o lana fai feauaki fakaii !

Apokalipisi 16:19

Ti na paisi tolu loa le kolo lasi, ti na sosolo loa a kolo o atu puleaga, ti na manatui loa e le Atua a Papilone ko le kolo lasi, ke soli kiate ia le ipu o le vino o lona sausau kaka.

Apokalipisi 17:5

Ti na tosi i lona lae se igoa, ko se misitelio : Papilone lasi, ko le tinana o fafine fai feauaki mo fakalialia o le malama nei.

Apokalipisi 18:10

E lotou tuu loa mei mamao, i le i ki lona mamae, o pati : Malaia ! Malaia ! le kolo lasi ko Papilone, le kolo makeke lena ! Talie kua soko lou fakamaau i se ola e tasi.

Apokalipisi 18:21

Ti na too loa e se aselo mafimafi se fatu ofaipe se fuaga, o ti a ia ki le tai, o pati : E fenaaki loa le ti fakaveliveli o Papilone, le kolo lasi, ti e leaise toe maua loa a ia.