Taniela 4:26 - Tosi Tapu

²⁶ Ko le fakatotonu leia ke tuku le tafito leia e tuu ai a aka o le laakau : ko lona uiga e toe tuku loa lou puleaga kiate koe i le aso leia e ke iloa ai loa ko leia e pule e nofo i le atu lagi.

Taniela 4:26 ပူးပေါင်းရင်းမြစ်များ

Taniela 2:18

O tupu ke lotou kole le manava alofa o le Atua o le atu lagi, talie ke aua na tamate a Taniela mo ona kaukaunea, o fakatasi mo le kau poto o Papilone.

Taniela 2:19

Ti na fakasa loa le nea fakafufu kia Taniela, i se tio i le pouli. Ti na fakafetai loa Taniela ki le Atua o le atu lagi.

Taniela 2:37

Ei sau, ko le sau a koe o atu sau, talie kua soli kiate koe e le Atua o le atu lagi le puleaga, mo le pule, mo le makeke, mo le kololia ;

Taniela 4:15

Kae kotou tuku i le kele le tafito leia e tuu ai a aka, ti ke kotou saisai a ia ki ni tini ukamea mo ni tini sila, i loto malie o le ulu vao o faisaga ; ke fakasusu a ia e le sasau o le lagi, ti ke kai e ia le mutie o le kele ofaipe manu.

Taniela 4:23

Kua tio le sau ki se tasi o latou ala e leoleo mo maokioki e ifo mei lagi, o pati : Kotou sele le laakau, ti kotou maumaui a ia ; kae kotou tuku i le kele le tafito leia e tuu ai a aka, ti kotou saisai a ia ki ni tini ukamea mo ni tini sila i le ulu vao o faisaga ; ke fakasusu a ia e le sasau o le lagi, ti ke kai e ia le mutie ofaipe manu o faisaga, o kaku ki le oki o fetuu e fitu.

Taniela 4:31

Kae e leikiaise oki le masau mei le gutu o le sau, kae ko leinei, na au loa se leo mei le lagi : Ke ke iloa, sau ko Nepukatenesale, e too loa lou puleaga meiate koe.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Taniela 5:20

Kae i le aso leia na fia nealasi ai a ia ti na fakafefeka ai e ia lona loto, na ti loa a ia ki lalo mei lona ekeekeaga fakasau, ti na too loa meiate ia lona kololia ;

Taniela 5:21

Na kapu loa a ia mei loto malie o fanau o tagata, ti na liliu loa lona loto o tatau mo le loto o manu, ti na tuu fakatasi loa lona nofoaga mo leia o asino vao ; na soli loa kiate ia se mutie ke kai ofaipe pipi, ti na susu loa lona tino i le sasau o le lagi, o kaku ki lana iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Mateo 21:20

Ko le kau tisipulo, ala na tio ki le nea lena, na ofolele loa, o pati : Pe na feaki le liliu o le fiki leinei o malo i se ga temi toetoe fua ?

Mateo 5:34

Kae ko au, e kau pati atu kia koutou ke aua na kotou fai se fakapapau fua e tasi : pe i le lagi, talie ko le ekeekeaga a ia o le Atua ;

Luka 15:18

E kau tuu loa ki aluga, ti e kau ano loa ki loku tamana, ti e kau pati loa kiate ia : Tamana, kua kau agasala ki le lagi ti mo koe,

Luka 15:21

Na pati loa le vosa kiate ia : Tamana, kua kau agasala ki le lagi ti mo koe, e leaise koi kau gali ke fakaigoa au ko lou vosa.