Taniela 4:22 - Tosi Tapu

²² ko koe totonu a ia, ei sau, leia kua liliu o lasi mo makeke, ti kua kaku lou logologona lasi ki le lagi, ti kua kaku lau pule ki potupotu o le malama nei.

Taniela 4:22 ပူးပေါင်းရင်းမြစ်များ

Senesi 11:4

Na lotou toe pati loa : Tou tutuu ki aluga, ti tou fakatuu se kolo mo se tule leia e tau lona tumutumu ki le lagi ; ke logo ai lotatou igoa, ti ke aua na tou mavetevete loa i aluga o le malama nei katoa.

Senesi 28:12

Ti na moe miti loa a ia : Ti ko leinei, na tuu se kakega i le kele ti na tau lona tumutumu ki le lagi. Ti ko leinei, na pale mo ifo a aselo o le Atua i le kakega lena.

Lua tosi a Samuele 12:7

Ti na pati loa Natane kia Tavite : Ko koe le tagata lena ! Ko leinei le folafola a le Eteleno, le Atua o Iselaele : Na kau pani lolo a koe ke ke nofo ko le sau o Iselaele, ti na kau saofaki a koe mei le lima o Saulo ;

Lua tosi o Koloniko 28:9

Na nofo i ai se polofeta a le Eteleno, na igoa ko Oteto. Na ano loa a ia o fakafetaulaki ki le solia leia na toe liliu mai ki Samalia, ti na pati loa a ia kia latou : Ko le sausau o le Eteleno, le Atua o okoutou tamana, ki Suta, leia na tuku atu ai e ia latou ki okoutou lima, ti kua kotou tamate fakaveliveli latou i le lasi o lokoutou ita leia kua pale o kaku ki le lagi.

Pesalemo 108:4

E kau fakamalo loa kiate koe i mua o kakai, Eteleno ! E kau sua loa kiate koe i mua o atu puleaga.

Pesalemo 36:5

E metitasio a ia ki le veli i lona moeaga ; E tuu a ia i se ala leia e leaise malie ; E leaise vesia a ia ki le veli.

Selemia 27:5

Ko au leia na fakatupu ia le kele, mo tagata mo manu ala e taka i aluga o le kele, ki loku mafimafi lasi mo loku lima falo, ti e kau soli le kele ki leia e kau loto ki ai.

Esekiele 17:3

E ke pati loa : E folafola le Aliki, le Eteleno, o pati : Na au loa i Lipane se akuila lasi, na kapakau lalasi mo loloa, ti na apele i fulu na lanu kesekese, ti na fatii loa e ia le tumutumu o se sete.

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Taniela 4:11

Na liliu loa le laakau lena o lasi mo makeke, ti na malaga loa lona tumutumu o kaku ki le lagi, ti na tio loa kiate ia mei potupotu o le malama nei katoa.

Taniela 4:21

ko le laakau lena, leia na lau fulumalie ti na fua lasi, leia na maua ia se nea kai ki tagata fuli, leia na fakamalumalu ai a manu o le vao i ona lalo ti na faiofaga ai a manu lele o le lagi i ona laa,

Taniela 4:29

I le sili o masina e kau agafulu tupu lua, na evaeva loa le sau i lona fale sau i Papilone,

Taniela 4:36

I le temi lena, na toe au loa le atamai kiate au ; ti na toe soli mai loa kiate au le kololia o loku puleaga, mo loku mamalu, mo loku logologona. Na toe afa loa au e laku kau fono mo laku kau lalasi ; ti na toe fakanofo loa au ki loku puleaga, ti na asilisili lasi loa loku makeke.

Mateo 14:4

talie na pati Soane kiate ia : E leaise taga kiate koe ke ke nofo fakataumatua mo ia.

Apokalipisi 18:5

Talie kua fakatuuga ana agasala o kaku ki le lagi, ti kua manatui e le Atua ana agaveli.