Taniela 4:19 - Tosi Tapu

¹⁹ Ti ko Taniela, leia e igoa ko Pelesatesale, na tuu noa mua i se ga temi, talie na sevaia lana fakakaukau. Ti na toe masau loa le sau, o pati : Pelesatesale, ke aua na ke i, o tupu ko le moe miti mo lona fakamatala ! Ti na tali loa Pelesatesale : Ei loku aliki, ke vilo le moe miti mo lona uiga ki ou fili !

Taniela 4:19 ပူးပေါင်းရင်းမြစ်များ

Senesi 31:35

Ti na pati loa Lasele ki lona tamana : Ke aua na ke ita, ei loku tamana, mo kapau e ke tio e leaise kau tuu ki aluga i ou mua, talie e kau maua le nea leia e soko masani ki fafine. Na fai loa e Lapane lana afa, kae na leaise maua loa e ia a atua.

Senesi 32:18

Ti ke tali loa kiate ia : A lau tagata fakasausau ko Sakopo ; ko se moliga leia na fakamomoli mai e ia ki lona aliki ko Esau. Ti ko leinei a ia totonu e au i omatou muli.

Senesi 40:12

Na pati loa Sosefo kiate ia : Ko leinei le fakamatala o lau moe miti : Ko laa vite e tolu ko aso ana e tolu.

Uluaki tosi o Sau 18:7

I le lolotoga fanoga a Apetiasi i le ala, ko leinei, na felavei Elia mo ia. Na iloa loa e Apetiasi a Elia, ti na punou loa a ia ki le kele, o pati : Pe ko koe ko Elia, loku aliki ?

Ekesote 32:32

Fakamolemole i le aso nei lalatou agasala ! Ti kapau e leai, soloi au i lau tosi leia kua ke tosi.

Selemia 29:7

Kotou afa le malie o le kolo leia kua kau ave popula koutou ki ai, ti kotou kole ki le Eteleno le malie o le kolo, talie e fakalogo lokoutou manuia ki lona manuia.

Selemia 4:19

Oi loku manava, oi loku manava ! E kau mamae i loku mafu. Kua ta vave loku mafu, e leaise koi mafai laku fakalologo ; O tupu kua ke logo, ei loku laumalie, ki le pupusi o le fakatagi, Ki le kalaga o le tau.

Taniela 1:7

Na soli loa e le pule o le kau enuke ni igoa kia latou, kia Taniela le igoa ko Pelesatesale, kia Anania leia ko Satalake, kia Misaele leia ko Mesake, kia Asalia leia ko Apeteneko.

Taniela 2:26

Ti na masau loa le sau, o pati kia Taniela, leia na igoa ko Pelesatesale : Pe mafai ke ke fakamatala mai kiate au le moe miti mo lona uiga ?

Taniela 2:37

Ei sau, ko le sau a koe o atu sau, talie kua soli kiate koe e le Atua o le atu lagi le puleaga, mo le pule, mo le makeke, mo le kololia ;

Taniela 4:24

Ko leinei lona uiga, ei sau, ko leinei le fakatuutuu a le Atua Taualuga, leia e fakasoko loa ki loku aliki, le sau.

Taniela 5:12

Talie na maua iate ia, ia Taniela, leia na fakaigoa e le sau ko Pelesatesale, se laumalie taualuga, mo se atamai, mo se poto, mo se malama ki le kikite o moe miti, mo le fakamatala o misitelio ti mo le fakatonutonu o nea faigataa. Koia, kalagai nei Taniela, ti e soli mai loa e ia lona uiga.

Taniela 5:18

Ei sau, na soli e le Atua Taualuga ki lou tamana ko Nepukatenesale, le puleaga, mo le mauiga, mo le kololia, ti mo le logologona ;

Taniela 5:19

O tupu ko le mauiga leia na tuku e le Atua Taualuga kiate ia, na i fuli a kakai, mo puleaga, mo tagata mei faasiga masau kesekese i ona mua. Na fakatotonu e le sau ke tamate latou ala e loto a ia ki ai, ti na tuku e ia le mauli kia latou ala na loto a ia ki ai ; na siki e ia ki aluga latou ala na loto a ia ki ai ; ti na tuku e ia ki lalo latou ala na loto a ia ki ai.

Taniela 7:15

Ko au Taniela, na sevaia loa loku loto, ti na fakaii loa kiate au a nea ala na kau tio ki ai i loku loto.

Taniela 7:28

Na fakaoki loa i nea anei lana masau. Ko au Taniela, na kau sevaia lasi loa i aku fakakaukau, ti na faikese loa oku mata, ti na kau taupau loa a masau ana i loku loto.

Taniela 8:27

Ko au Taniela, na kau gaegae veli ai ti na kau masaki loa i ni aso e mauke ; ti oki, na kau tuu loa ki aluga ti na kau tokaga loa ki gaoi a le sau. Na kau punamauli i le nea leia na kau tio ki ai, ti na leaise iloa a ia e se tasi.

Apakuki 3:10

E lulu a mauga i lalatou tio kiate koe, E fakalofia e ua makeke le kele, E gugulu le moana loloto, E lagai e ia ona galu o kaku ki le lagi.

Uluaki tosi a Samuele 1:15

Na tali loa a Ana : E leaise kau kona, ei loku aliki, kae ko se fafine au leia e mamae, ti na leaise kau inu ia se vino pe ko se kava ; kae na kau liligi loku laumalie i mua o le Eteleno.

Uluaki tosi a Samuele 24:8

I lana masau lena, na taofi loa e Tavite lana kakai ke aua na oso kia Saulo. Ti na tuu ake loa Saulo, o ulu ki tafa o le ana ke toe soko atu lona ala.

Uluaki tosi a Samuele 26:15

Na pati loa Tavite kia Apenele : Pe leaise ko se tagata a koe ? Ti ko ai e tatau mo koe i Iselaele ? Kolea na leaise ke leoleo ai le sau, lou pule ? Talie na i ai se tasi o le kakai leia na natu ke tamate ia le sau, lou pule.

Uluaki tosi a Samuele 3:17

Ti na pati loa a Eli : Kolea le folafola leia na fai atu e le Eteleno kiate koe ? Aua na ke fufu mai kiate au se nea fua e tasi. Ke tautea a koe e le Atua i lona makeke katoa, mo kapau e ke fufu mai kiate au se nea fua e tasi !