Taniela 4:17 - Tosi Tapu

¹⁷ Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 4:17 ပူးပေါင်းရင်းမြစ်များ

Uluaki tosi o Sau 21:25

Na leaise tasi kua fakatau ia a ia ofaipe Akapo ke fai le nea leia e veli ki mata o le Eteleno, ti na fakamakeke a ia e Sesapele, lana avaga.

Lua tosi o Koloniko 28:22

I le lolotoga o lana nofo i le mamae, na soko atu e ia lana agasala ki le Eteleno, a ia, le sau ko Akase.

Pesalemo 103:19

Na fakatuu e le Eteleno lona ekeekeaga fakasau i le atu lagi, Ti e pule a ia ki nea fuli.

Pesalemo 12:8

Ko koe, Eteleno ! e ke taupau loa latou, E ke puipui loa latou i le lanu lena o lee gato.

Pesalemo 9:16

E vivilo a atu puleaga ki le popoko leia na lotou kenu, Ti e visia olatou vae i masele ala na lotou fufu.

Ekesote 9:16

Kae na kau fakamauli a koe, o tupu ke fakasa iate koe loku makeke, ti ke fakamafola loku suafa i le malama nei katoa.

Esaia 6:3

Na lotou kalaga o fetaliaki : Maokioki, maokioki, maokioki le Eteleno o kau tau ! E apele le kele katoa i lona kololia !

Esaia 6:8

Na kau logo loa ki le leo o le Aliki leia na pati : Ko ai ka kau kakau ia loa, ti ko ai ka saele loa kia matou ? Na kau tali loa : Ko leinei au, ke ke kakau au.

Esekiele 25:17

E kau fai loa se totogi lasi kia latou Mo se valoki kaka, Ti e lotou iloa loa ko au ko le Eteleno, Mo ka kau tuku loa kia latou loku sausau.

Esekiele 7:24

E kau aumai loa a kakai agaveli ake i kakai fuli, O tupu ke lotou too olatou fale ; E kau fakagato loa le fia nealasi o le kau makeke, Ti e fakakelekele loa olatou sagatualio.

Taniela 11:21

E too loa lona tuulaga e se tagata noa, kae na leaise kau a ia ki le tuulaga fakasau. E sa loa a ia i loto malie o le tokamalie, o too le puleaga ki ni puleaki kaka.

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Taniela 4:2

Na kau manatu ko se nea malie ke fakasa a fakamailoga mo nea fakamanamana ala na fai e le Atua taualuga kiate au.

Taniela 4:25

E kapu loa a koe mei loto malie o tagata, ti e ke maua loa lou nofoaga i loto malie o manu o faisaga, ti e tuku loa kiate koe se mutie ke kai, ofaipe pipi ; e susu loa a koe i le sasau o le lagi, ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Loma 13:1

Ke fakataulalo a tagata fuli ki pule taualuga ; talie e leai se pule leia e leaise au mei le Atua, ti ko latou ala kua fakanofo, na fakanofo latou e le Atua.

Uluaki tosi ki le kau Kolinto 1:28

ti kua filifili e le Atua a nea veveli o le malama nei, mo nea vesiainai, mo nea noa, ke maumaui ai a nea ala e mauiga ki le malama nei,

Uluaki tosi kia Timoteo 5:21

E kau kole mamae atu kiate koe i mua o le Atua, i mua o Sesu-Kilisito, ti mo mua o le kau aselo filifiliia, ke ke tokaga ki nea fuli ana, o sala fakapalatasi ti mo sala fia mata malie.

Apokalipisi 4:8

Ko manu mauuli ana e fa na tasi mo ia ni kapakau e ono, ti na lotou apele i mata, i tafa mo loto. Na leaise lotou malolo i le ao mo le po i le pati : Maokioki, maokioki, maokioki le Aliki Atua, le Mafimafi, leia na agai, leia e agai nei, leia e au !

Uluaki tosi a Samuele 2:8

E siki ake e ia mei le efu le tagata mativa, E lagai e ia mei le tauga penu le fakaaloalofa, ke fakatonatona laua mo le kau lalasi. Ti e soli e ia kia latou se ekeekeaga o le kololia, ke lotou maua tofiga ; Talie a le Eteleno a pou o le kele, Ti na fakatuu e ia le malama nei i ai.