Taniela 4:14 - Tosi Tapu

¹⁴ Na kalaga leo lasi loa a ia ti na masau mai loa a ia kiate au, o pati : Kotou sele ki lalo le laakau, ti kotou tutuuti ona laa ; kotou lu ona lau, ti kotou veteki ona fua ; ke sosola a manu mei ona lalo, ti mo manu lele mei ona laa !

Taniela 4:14 ပူးပေါင်းရင်းမြစ်များ

Sopo 24:20

Kolea ! E galoi a ia e le fafine leia na fanaui ia latou ki malama nei, Ti e liliu loa a ia ko le nea kai malie a ilo, Ti e leaise toe masau loa se tasi kiate ia. E fatii le tagata agaveli ofaipe se laakau,

Selemia 27:5

Ko au leia na fakatupu ia le kele, mo tagata mo manu ala e taka i aluga o le kele, ki loku mafimafi lasi mo loku lima falo, ti e kau soli le kele ki leia e kau loto ki ai.

Selemia 51:6

Kotou sosola i Papilone, ti ke tasi saofaki e le tagata lona mauli, Ke aua na kotou mamate i lona maumau ! Talie ko se temi o le lagavaka ki le Eteleno ; E totogi e ia kiate ia o mulimuli ki ana gaoi.

Selemia 51:9

Na motou loto ke fakamauli Papilone, kae na leaise mauli a ia. Tou tiaki a ia, ti ke tasi ano le tagata ki lona fenua ; Talie kua kaku lona tautea ki le lagi, Ti kua pale a ia o kaku ki ao.

Esekiele 31:10

Koia e folafola ai le Aliki, le Eteleno, o pati : O tupu na malaga lona kuaga ki aluga, O tupu na malaga lona tumutumu i laakau fuli o le vaomatua, Ti na fia nealasi lona loto i lona taualuga,

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Taniela 3:4

Na kalaga loa le pule o le fakatasiga o leo lasi : Kakai, mo puleaga, mo tagata mei masau fuli, ko leinei le nea leia e fakatotonu atu kia koutou !

Taniela 4:12

Na fulumalie ona lau, ti na lasi ona fua ; na maua e ia se nea kai ki tagata fuli ; ti na fakamalumalu a manu o le vao i ona lalo, ti na faiofaga a manu lele o le lagi i ona laa, ti na maua e nea fuli ala e mauuli lalatou nea kai meiate ia.

Taniela 4:23

Kua tio le sau ki se tasi o latou ala e leoleo mo maokioki e ifo mei lagi, o pati : Kotou sele le laakau, ti kotou maumaui a ia ; kae kotou tuku i le kele le tafito leia e tuu ai a aka, ti kotou saisai a ia ki ni tini ukamea mo ni tini sila i le ulu vao o faisaga ; ke fakasusu a ia e le sasau o le lagi, ti ke kai e ia le mutie ofaipe manu o faisaga, o kaku ki le oki o fetuu e fitu.

Taniela 4:29

I le sili o masina e kau agafulu tupu lua, na evaeva loa le sau i lona fale sau i Papilone,

Taniela 5:20

Kae i le aso leia na fia nealasi ai a ia ti na fakafefeka ai e ia lona loto, na ti loa a ia ki lalo mei lona ekeekeaga fakasau, ti na too loa meiate ia lona kololia ;

Taniela 5:21

Na kapu loa a ia mei loto malie o fanau o tagata, ti na liliu loa lona loto o tatau mo le loto o manu, ti na tuu fakatasi loa lona nofoaga mo leia o asino vao ; na soli loa kiate ia se mutie ke kai ofaipe pipi, ti na susu loa lona tino i le sasau o le lagi, o kaku ki lana iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Mateo 3:10

Kua tuu foki le toki i le aka o laakau : ko laakau fuli e leaise fua ki ni fua malilie e tuuti loa o ti ki le afi.

Mateo 7:19

Ko laakau fuli ala e leaise tupu i ai ni fua malilie e tuuti loa, o ti ki le afi.

Luka 3:9

Kua tuu foki le toki i aka o laakau : Ko laakau fuli ala e leaise maua ia ni fua malilie, e tuuti loa o ti ki le afi.

Apokalipisi 10:3

ti na kalaga loa a ia o leo lasi, ofaipe se gugulu o se laione. I lana kalaga, na fakagugulu loa e mana e fitu olatou leo.

Apokalipisi 18:2

Ti na kalaga leo lasi loa a ia, o pati : Kua vilo Papilone lasi, kua vilo a ia ! Kua liliu a ia ko se nofoaga o temonio, ko se tanakiaga o laumalie kelekele fuli, ko se tanakiaga o manu lele fuli e kelekele mo fakalialia,