Taniela 3:28 - Tosi Tapu

²⁸ Ti na masau loa Nepukatenesale, o pati : Ke manuia le Atua o Satalake, mo Mesake, mo Apeteneko, leia na kakau ia mai lona aselo ti na saofaki ia ana tagata fakasausau ala na fanaki kiate ia, kae na maumaui ia le fakatotonu a le sau. Na lotou malie ia ake le momoli o olatou tino i lalatou tausi mo atolasio ki se tasi ake atua kese.

Taniela 3:28 ပူးပေါင်းရင်းမြစ်များ

Senesi 9:26

Na toe pati foki a ia : Ke manuia le Eteleno, ko le Atua o Semi ! Ti ke fakasausau a Kanaane kia Semi !

Uluaki tosi o Koloniko 5:20

Na tokoi loa le Atua kia latou, ti na lotou malo loa i le kau Akale mo latou ala na kau mo le kau Akale. Talie i le lolotoga o le tau, na lotou tagi ki le Atua ti na tali loa le Atua kia latou talie na lotou fanaki kiate ia.

Lua tosi o Koloniko 20:20

I leia ake a aso, na lotou usuusu loa ki le toafa o Tekoa. I mua o lalatou mavae, na tuu loa Sosafate i olatou mua, o pati : Kotou fakalogo mai kiate au, Suta mo le kakai o Selusalemi ! Kotou fanaki ki le Eteleno lokoutou Atua, ti e kotou tuu makeke loa ; kotou fanaki ki ana polofeta ti e kotou manuia loa.

Lua tosi o Koloniko 32:21

Koia na kakau ai loa e le Eteleno se aselo ke tamate ia i le nofolaga tau o le sau o Asilia le kau tagata makeke fuli, mo le kau taki tau, ti mo le kau pule tau. Ti na toe liliu loa le sau o Asilia ki lona fenua mo se luma lasi ai. Na ulu loa a ia ki le fale o lona atua, ti na tamate loa a ia i ai ki le seleta e ona vosa totonu ala na au mei ona tootooga.

Esetalasi 1:3

Ko ai ia koutou e kau ki lona kakai ? Ke nofo lona Atua mo ia, ti ke pale a ia ki Selusalemi i le fenua o Suta, o fakatuu le fale o le Eteleno, le Atua o Iselaele ! Ko le Atua leia e agai i Selusalemi.

Esetalasi 6:11

Ti ko leinei le fakatotonu leia e kau tuku o uiga mo leia e agatuu ki le fakatotonu lena : E too loa mei lona fale se fa laakau, ti ke fakatuu a ia, ti ke tautau a ia ki ai, kae maumaui loa lona fale.

Pesalemo 103:20

Kotou fakafetai ki le Eteleno, koutou ko ana kau aselo, Ala e mafimafi i le makeke, ti e fakasoko ia ana fakatotonu, O fakalogo ki le leo o lana folafola !

Pesalemo 147:11

E alofa le Eteleno kia latou ala e i kiate ia, Latou ala e amanaki malie ki lona agamalie.

Pesalemo 33:18

Ko leinei, e tio a mata o le Eteleno kia latou ala e i kiate ia, Kia latou ala e amanaki malie ki lona agamalie,

Pesalemo 33:21

Talie e fiafia omatou loto iate ia, Ti e motou fanaki ki lona suafa maokioki.

Pesalemo 34:22

E tamate e le malaia le tagata agaveli, Ti e tautea a fili o le tagata agatonu.

Pesalemo 62:8

I le Atua e malolo ai loku fakamauli mo loku kololia ; Ko le utu o loku makeke mo loku ulufaga e nofo i le Atua.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 37:36

Na ulu mai loa le aselo o le Eteleno, o tamate i le nofolaga solia o le kau Asilia, a tagata solia e tino lelau tino valu tupu lima afe. I le ala usu ake, ko leinei kua lotou mamate fuli.

Esaia 50:10

Ko ai ia koutou e i ki le Eteleno, Ke fakalogo a ia ki le leo o lana tagata fakasausau ! Ko leia e saele i le fakapouli ti e sala malama, Ke fanaki a ia ki le suafa o le Eteleno, Ti ke pipiki a ia ki lona Atua !

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Taniela 3:25

Na toe pati loa a ia : Ko leinei, e kau tio ki tagata e toka fa, e leai ni olatou sai, ti e saele i loto malie o le afi, ti e leaise tasi fua ia latou kua vela sona ganea ; ti e fai le fa o tagata pe se Alo o le Atua.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Taniela 6:16

Koia na fakatotonu loa e le sau ke aumai Taniela, ti ke ti a ia ki le popoko o laione. Ti na masau loa le sau, o pati kia Taniela : Ko lou Atua leia e ke tausi ki ai i le kataki fualoa, ke mafai e ia lana saofaki ia a koe !

Taniela 6:26

E kau fakatotonu le nea leinei : I loku puleaga katoa, ke maua le i mo le fakaapaapa ki le Atua o Taniela. Talie ko le Atua mauli a ia, ti e mauli a ia o lee gato ; e leaise maumaui loa lona puleaga i se aso, ti e tuu loa lana pule o kaku ki le fakaoki.

Mateo 4:10

Na pati loa Sesu kiate ia : Fakamamao atu iate au Satana ! Talie e tuu i le Tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Gaoi 4:19

Ti na tali loa Petelo mo Soane kia latou : Kotou tio pe totonu i mua o le Atua ke ma fakalogo ake kia koutou i le Atua ;

Gaoi 5:19

Kae, i le pouli, na fakamavaa loa e se aselo o le Aliki a matapa o le pilisoni, ti na taki loa e ia latou ki fafo, o pati kia latou :

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Uluaki tosi ki le kau Kolinto 13:3

Ti kapau e kau tufa loa oku koloa fuli ke fagai ai le kau mativa, ti kapau e kau tuku loa loku tino ke tutu, kae e leaise kau maua le alofa, e leaise aoga le nea lena kiate au.

Filipe 1:20

o mulimuli ki loku oli makeke ti mo laku amanaki malie, e leaise kau luma loa i se nea fua, kae i le temi nei ofaipe temi fuli ai, e fakakololia loa Kilisito i loku tino, pe kau mauli, pe kau mate ;

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Epelo 11:37

Na tuki fatui loa latou, mo sele ki ni tutuu, mo fakavelivelii ; na tamate latou ki le seleta ; na lotou feanoaki o lava ki ni kilii ovi mo ni kilii koti, ti na lotou mativa i nea fuli, mo mamae, ti mo vesiainai.

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.

Apokalipisi 12:11

Ti na lotou malo iate ia, o tupu ko le toto o le Akeno, ti mo le folafola o lalatou fakamaoki, ti na leaise lotou alofa ki olatou mauli ke lotou i ai ki le mate.