Taniela 3:19 - Tosi Tapu

¹⁹ I le nea lena na toe veli ake loa le itaita o Nepukatenesale, ti na tio faikese loa ona mata kia Satalake, mo Mesake, mo Apeteneko. Na toe masau loa a ia o fakatotonu ke fakavevela le gutuumu o tua fitu ake lona makeke i le fai masani.

Taniela 3:19 ပူးပေါင်းရင်းမြစ်များ

Senesi 31:2

Na fakatokagai foki e Sakopo a mata o Lapane, na leaise koi tatau lana tio kiate ia pe mua.

Esitele 3:5

Ti na tio loa Amane e leaise peluki fua e Maletoseo lona tuli ti e leaise tulolo fua a ia i ona mua. Na apele loa a ia i le ita ;

Esitele 7:7

Ti na tuu ake loa le sau ki aluga, i lona ita lasi, o mavae i le kai, ti na ulu loa a ia ki fafo ki le oloto o le fale sau. Na nofo loa Amane o kole ki le fafine sau ko Esitele ke soli ake kiate ia lona mauli, talie kua tio malie a ia kua fakatuutuu i le loto o le sau se veli kiate ia.

Pesalemo 76:10

I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

Taagapati 16:14

Ko le ita o le sau ko se tagata avelogo o le mate, Ti e tonu ke fakafimalie lona loto e se tagata poto.

Taagapati 21:24

Ko le tagata fia nealasi, mo le tagata fia taualuga, e gologolo ki nea fuli, Ti e sa lona fia nealasi i ana gaoi fuli.

Esaia 51:23

E kau tuku loa a ia ki le lima o latou ala e fakaveliveli kiate koe, Ala na pati atu kiate koe : Punou ki lalo ke motou saele iate koe ! Ti na ke fakaliliu loa lou tua ko se kele, Ofaipe se ala kia latou ala e saele.

Taniela 2:12

I le nea lena na itaita lasi le sau. Ti na fakatotonu loa e ia ke tamate le kau poto fuli o Papilone.

Taniela 3:13

Koia na itaita veli ai loa Nepukatenesale, ti na fakatotonu loa e ia ke aumai Satalake, mo Mesake, mo Apeteneko. Ti na aumai loa a tagata ana ki mua o le sau.

Taniela 3:20

Ti na fakatotonu loa e ia ki ni iki i le kau tagata makeke o lona kau solia ke saisai Satalake, mo Mesake, mo Apeteneko, ti ke ti latou ki le gutuumu kaka.

Taniela 5:6

Ti na tea katoa loa le sau i lona i, ti na sevaia loa lona loto i ana fakakaukau, ti na leaise koi maua loa sona makeke ti na fetati loa ona tuli.

Taniela 6:24

Na fakatotonu loa e le sau ke aumai ki ona mua a tagata ala na fakalakasala ia Taniela, ti ke ti latou ki le popoko o laione, latou mo alatou fanau ti mo alatou avaga ; ti na leikiaise lotou kaku ki le takele o le popoko, kae kua tapo latou e laione, o gugu olatou ivi fuli.

Levitiko 26:18

Ti kapau e logo ai le nea lena, e leaise kotou fakalogo aifai kiate au, e kau toe liuga loa o tua fitu le tautea o lakoutou agasala.

Levitiko 26:21

Ti kapau e kotou fakatutuu aifai kiate au, ti kapau e leaise kotou fia fakalogo aifai kiate au, e kau toe liuga loa kia koutou o tua fitu le tautea o lakoutou agasala.

Levitiko 26:24

e kau toe soko atu loa laku fakatutuu kia koutou, ti e kau toe liuga loa kia koutou o tua fitu le tautea o lakoutou agasala.

Levitiko 26:28

e kau toe soko atu aifai laku fakatutuu makeke kia koutou, ti e kau toe liuga loa kia koutou o tua fitu le tautea o lakoutou agasala.

Gaoi 5:33

Na lotou fakainaina loa i le ita i masau ana, ti na lotou loto loa ke tamate latou.

Gaoi 7:54

I lalatou logo ki masau ana, na itaita loa i olatou loto, ti na lotou gugu loa olatou nifo kiate ia.