Taniela 3:15 - Tosi Tapu

¹⁵ I le lakaga nei, ke kotou teuteu ! ka kotou logo loa ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, ke kotou punou loa o atolasio ki le fakatata leia na kau fakatuu ia ; kapau e leaise kotou atolasio loa ki ai, e ti loa koutou i le temi fai lena ki se gutuumu kaka. Ti ko le atua fea loa leia e saofaki ia loa koutou mei loku lima ?

Taniela 3:15 ပူးပေါင်းရင်းမြစ်များ

Lua tosi o Sau 18:35

I atua fuli o fenua ana, ko ai ma latou ala na saofaki ia olatou fenua mei loku lima, ke saofaki loa e le Eteleno a Selusalemi mei loku lima ?

Ekesote 32:32

Fakamolemole i le aso nei lalatou agasala ! Ti kapau e leai, soloi au i lau tosi leia kua ke tosi.

Ekesote 5:2

Na tali loa Falaone : Ko ai le Eteleno ke kau fakalogo ki lona leo, ti ke kau tuku ke ano Iselaele ? E leaise kau iloa fua le Eteleno, ti e leaise kau tuku loa ke ano Iselaele.

Esaia 37:23

Ko ai leia na ke gologolo ki ai ti na ke lauveli ki ai ? Ko ai leia na ke masau leo lasi ki ai ? Kua ke siki ou mata ki aluga Ki le Sagato o Iselaele.

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Taniela 2:9

Koia kapau ai e leaise kotou fakasa mai kiate au le moe miti, ko le tua leia kua fakatotonu e vilo loa kia koutou fuli. E kotou loto ke teuteui ni kaka mo ni loi ala ke kotou fakasa mai kiate au, o fakalogologo ke fetogi le temi. Koia kotou fakamatala mai kiate au le moe miti, ti e kau iloa loa pe kotou mafai ia le fakamatala o lona uiga.

Taniela 3:17

Ko leinei, ko lomatou Atua leia e motou tausi ki ai, e mafai loa ke saofaki e ia matou mei le gutuumu kaka, ti e saofaki loa e ia matou mei lou lima, ei aliki sau !

Taniela 6:16

Koia na fakatotonu loa e le sau ke aumai Taniela, ti ke ti a ia ki le popoko o laione. Ti na masau loa le sau, o pati kia Taniela : Ko lou Atua leia e ke tausi ki ai i le kataki fualoa, ke mafai e ia lana saofaki ia a koe !

Taniela 6:20

Na fakafeofi loa a ia ki le popoko, ti na kalaga loa a ia kia Taniela ki se leo mamae. Ti na masau loa le sau, o pati kia Taniela : Taniela, tagata fakasausau a le Atua mauli, pe na mafai e lou Atua leia e ke tausi ki ai i le kataki fualoa, ke saofaki a koe mei laione ?

Mateo 10:19

Kae ka fakatau loa koutou, aua na kotou tuania ia pe feaki loa lakoutou masau, ti kolea loa lakoutou masau : E tuku atu loa kia koutou le nea leia e tonu ke kotou fakasa i lona ola totonu ;

Mateo 27:43

Na fanaki a ia ki le Atua, ke saofaki a ia e le Atua i le lakaga nei, mo kapau e alofa le Atua kiate ia. Talie na pati a ia : Ko le Alo au o le Atua !

Maleko 13:11

Ka ave loa koutou ke fakamaaui, aua na kotou tuania le nea leia ka kotou masau loa ki ai i mua, kae kotou fakasa le nea leia e tuku atu loa kia koutou i le ola totonu lena ; talie e leaise ko koutou ala e masau loa, kae ko le Laumalie Maokioki.

Luka 12:11

Ka ave loa koutou ki sinakoka, ki mua o le kau tui fakamaau ti mo le kau pule, aua na kotou tuania pe feaki loa lakotou puipui koutou, pe kolea le nea ka kotou masau loa ki ai ;

Luka 13:9

E lagi fua loa a ia i le fetuu ka au ; ti kapau e leai aifai, ti ke sele loa a ia.

Gaoi 4:19

Ti na tali loa Petelo mo Soane kia latou : Kotou tio pe totonu i mua o le Atua ke ma fakalogo ake kia koutou i le Atua ;

Gaoi 5:29

Ti na tali loa Petelo mo le kau apositolo : E tonu ke fakalogo ake ki le Atua i le tagata.

Gaoi 6:15

Ko latou fuli ala na nonofo i le fono lasi, na lotou tio fakamaumau loa kia Setefano, o lotou tio loa ki ona mata kua faipe ni mata o se aselo.