Taniela 2:49 - Tosi Tapu

⁴⁹ Na kole loa e Taniela ki le sau ke tuku ake le pule o le fenua o Papilone kia Satalake, mo Mesake, mo Apeneteko. Kae na nofo loa Taniela i le matapa o le sau.

Taniela 2:49 ပူးပေါင်းရင်းမြစ်များ

Esitele 2:19

I le fakatasii tua lua o taineliki, na tonatona Maletoseo i le matapa o le sau.

Esitele 2:21

I aso ana, na nofo Maletoseo i le matapa o le sau, ti na ita loa ki le sau a Piketane mo Telese, ko enuke e toka lua a le sau, ko ni tagata leo matapa, ti na la loto loa ke tamate le sau ko Asuelusi.

Esitele 3:2

Na peluki a tuli mo tulolo a ulu o tagata fakasausau fuli a le sau, ala na tutuu i le matapa o le sau, i mua o Amane, talie ko le fakatotonu aia a le sau o uiga mo ia. Kae na leaise peluki fua e Maletoseo lona tuli ti na leaise tulolo fua a ia.

Taagapati 28:12

Ka malo le kau agatonu, ko se kololia lasi a ia ; Kae ka malaga ki aluga le kau agaveli, e tasi mumuni le kakai.

Selemia 39:3

Ti na au loa a kau pule fuli a le sau o Papilone, o nofo i le matapa i loto malie : ko Nekale-Saletesele, mo Samekale-Nepu, mo Salesekime, pule o le kau enuke, mo Nekale-Saletesele, pule o le kau masi, mo la ake kau pule fuli a le sau o Papilone.

Taniela 1:17

Na soli loa e le Atua ki tupulaga ana e toka fa le poto, mo le atamai i faasiga faitosi fuli ti mo le poto ; ti na fakamatala loa e Taniela a tio fuli mo moe miti fuli.

Taniela 1:7

Na soli loa e le pule o le kau enuke ni igoa kia latou, kia Taniela le igoa ko Pelesatesale, kia Anania leia ko Satalake, kia Misaele leia ko Mesake, kia Asalia leia ko Apeteneko.

Taniela 2:17

Ti na ano loa Taniela ki lona fale, o fakasa le nea lena ki ona kaukaunea ko Anania, mo Misaele, mo Asalia ;

Taniela 3:1

Na fai loa e le sau ko Nepukatenesale se fakatata aulo, ko lona taualuga ko meta e kau tolu, ti ko lona lau lasi ko meta e tolu. Na fakatuu loa e ia a ia i le potu laumalie o Tula, i le fenua o Papilone.

Taniela 6:2

Na fakanofo loa e ia i lolatou ulu ni pule e toka tolu, ti na kau loa Taniela i ai, o tupu ke fakafelogoi kia latou e le kau aliki, a nea fuli o uiga mo lalatou pule, ti ke aua na i ai se nea leia e veli ki le puleaga.

Amosi 5:15

Kotou vesia ki le veli ti kotou alofa ki le malie, Kotou fakamaau i le faitotonu ; Ti e lagi alofa loa le Eteleno, le Atua o kau tau, Ki toetoega o Sosefo.