Taniela 2:46 - Tosi Tapu

⁴⁶ Ti na fakamapee loa le sau ko Nepukatenesale o fakatau ona mata ki le kele, o punou i mua o Taniela, ti na fakatotonu loa e ia ke momoli kia Taniela ni failaulau mo ni kaloni.

Taniela 2:46 ပူးပေါင်းရင်းမြစ်များ

Esetalasi 6:10

o tupu ke lotou momoli ni sakilifisio manogi malie ki le Atua o le lagi ti ke lotou ulufaki le mauli o le sau mo ona vosa.

Taniela 3:5

Ka kotou logo loa ki le leo o nea fai musika, mo le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, e kotou punou loa ti e kotou atolasio loa ki le fakatata aulo leia na fakatuu e le sau ko Nepukatenesale.

Taniela 3:7

Koia ka logo ai loa a kakai fuli ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, e punou loa le kakai katoa, mo puleaga, mo tagata mei masau fuli, o atolasio ki le fakatata aulo leia na fakatuu e le sau ko Nepukatenesale.

Taniela 8:17

Ti na au loa Kapeliele ki le ganea leia na kau nofo ai ; ti na kau i i lana fakafeofi mai kiate au, ti na kau punou loa, o fakatuu oku mata ki le kele. Na pati mai loa a ia kiate au : Tokaga, ei vosa o le tagata, talie e uiga le tio mo se temi leia e liliu loa ko le temi fakaoki.

Levitiko 26:31

E kau fakaliliu loa okoutou kolo o toafa, ti e kau maumaui loa okoutou fale tapu, o tupu ke aua na kau toe sauga ki le manogi malie o okoutou kaloni.

Luka 17:16

Na punou loa a ia ki le kele i vae o Sesu, o fakafetai kiate ia. Ko se tagata Samalitana a ia.

Gaoi 10:25

I le kaku atu a Petelo, na au loa Kolenelio o fakafetaulaki mai kiate ia, ti na fakapulou loa a ia ki lalo i ona vae ke su kiate ia.

Gaoi 14:13

Ko le pelepitelo o Supitele, leia na tuu lona fale tapu i le matapa o le kolo, na aumai ia loa ni pipi tagata kua tau kasoa ki le matapa o le kolo, ti na loto loa a ia, mo le kakai, ke momoli se sakilifisio.

Gaoi 28:6

Na talitali loa le kakai lena ke fufula a ia pe mate fakaofolele a ia, kae i le fualoa o lalatou talitali, ti mo lalatou tio na leaise soko fua kiate ia se nea, na lotou fetogi manatu loa, o pati ko se atua a ia.

Apokalipisi 11:16

Ti ko matua e tino lua tupu fa, ala na ekeeke i mua o le Atua i olatou ekeekeaga fakasau, na tulolo loa olatou ulu ki le kele, o atolasio ki le Atua,

Apokalipisi 19:10

Ti na kau fakamapee loa ki lalo i ona vae ke su kiate ia ; kae na pati mai loa a ia kiate au : aua na ke fai le nea a ia ! Talie ko au ko se tagata fakasausau ofaipe koe mo ou fetaina ala e maua ia le fakamaoki o Sesu. Su ki le Atua. Talie ko le fakamaoki o Sesu ko le laumalie a ia o le folafola kikite.

Apokalipisi 22:8

Ko au Soane, leia na logo mo tio ki nea anei. Ti i laku logo mo tio, na kau fakamapee loa ki lalo i vae o le aselo leia na fakasa ia mai kiate au a nea anei, ke kau su kiate ia.