Taniela 2:41 - Tosi Tapu

⁴¹ Ti e faipe lau tio foki ki vae mo maikao e koga ki le kele ti koga ukamea, e mavetevete loa le puleaga lena ; kae e iate ia loa se nea leia e maua ia le makeke o le ukamea, talie na ke tio kua filo le ukamea mo le kele.

Taniela 2:41 ပူးပေါင်းရင်းမြစ်များ

Taniela 2:40

E i ai loa se fa puleaga, leia e makeke loa ofaipe le ukamea ; ofaipe le ukamea leia e fatifati ia mo motumotusi ia a nea fuli, e fatifatii loa mo motumotusi loa e ia nea fuli, ofaipe le ukamea leia e gugu ia a nea fuli.

Taniela 2:42

Ofaipe maikao o vae ala na koga ukamea ti koga kele, e makeke loa le tasi fetuu o le puleaga lena kae e gaegae loa le tasi fetuu.

Taniela 7:24

Ko tala e kau agafulu, ko sau ana e kau agafulu ala e malaga ake loa i le puleaga lena. E malaga ake loa se tasi i olatou muli, leia e kese loa i la ake na muamua, ti e fakaifo loa e ia a sau e tolu.

Taniela 7:7

I le oki o le nea lena na kau tio loa i le lolotoga o aku moe miti i le pouli, ti ko leinei, na fakaii le fa o manu, ti na fakalialia, ti na makeke lasi a ia ; na maua e ia ni nifo lalasi ukamea, na kai e ia ti na gugu e ia ana nea kai, ti na takatakafi e ia ki ona vae le nea leia na toe. Na kese a ia mo la ake a manu i mua, ti na maua e ia ni tala e kau agafulu.

Apokalipisi 12:3

Ti na toe sa loa se tasi ake fakamailoga i le lagi ; ti ko leinei, ko se gata lasi leia na kula ofaipe le afi, mo ulu e fitu, mo tala e kau agafulu, ti na teki i ona ulu ni pala e fitu.

Apokalipisi 13:1

Ti na kau tio loa e pale mei le tai se manu leia na maua ia ni tala e kau agafulu ti mo ni ulu e fitu, ti na teki i ona tala ni pala e kau agafulu, ti na tosi i ona ulu ni igoa lauveli ki le Atua.

Apokalipisi 17:12

Ti ko tala e kau agafulu ala na ke tio ki ai ko ni sau latou e kau agafulu, ala e leikiaise maua ia se puleaga, kae e maua ia le pule fakasau i se ola e tasi mo le manu fekai.