Taniela 2:40 - Tosi Tapu

⁴⁰ E i ai loa se fa puleaga, leia e makeke loa ofaipe le ukamea ; ofaipe le ukamea leia e fatifati ia mo motumotusi ia a nea fuli, e fatifatii loa mo motumotusi loa e ia nea fuli, ofaipe le ukamea leia e gugu ia a nea fuli.

Taniela 2:40 ပူးပေါင်းရင်းမြစ်များ

Sopo 9:17

A ia leia na takatakai ia au ofaipe se afa, Ti na fakalasi ia oku lavea kae leai sona tupuaga,

Selemia 15:12

Pe fatii loa e le ukamea le ukamea mo le sila o le noleto ?

Taniela 2:33

na ukamea ona vae ; ti ko ona taga vae, na ukamea le tasi a koga, kae na kele le tasi a koga.

Taniela 2:39

I ou muli, e malaga ake loa ki aluga se tasi puleaga, leia e ikiiki ake i lou puleaga ; ti mo se tolu puleaga, leia e sila loa, ti e pule loa ki le malama nei katoa.

Taniela 2:41

Ti e faipe lau tio foki ki vae mo maikao e koga ki le kele ti koga ukamea, e mavetevete loa le puleaga lena ; kae e iate ia loa se nea leia e maua ia le makeke o le ukamea, talie na ke tio kua filo le ukamea mo le kele.

Taniela 7:7

I le oki o le nea lena na kau tio loa i le lolotoga o aku moe miti i le pouli, ti ko leinei, na fakaii le fa o manu, ti na fakalialia, ti na makeke lasi a ia ; na maua e ia ni nifo lalasi ukamea, na kai e ia ti na gugu e ia ana nea kai, ti na takatakafi e ia ki ona vae le nea leia na toe. Na kese a ia mo la ake a manu i mua, ti na maua e ia ni tala e kau agafulu.

Taniela 8:24

E tupu loa lona makeke o lasi, kae e leaise ko lona makeke totonu o ona ; e fai loa e ia ni maumau fakaii, ti e manuia loa ana gaoi, ti e maumaui loa e ia le kau lalasi mo le kakai o le kau sagato.

Taniela 9:26

I le oki o vasaa e kau ono tupu lua, e too loa le Mesia, ti e leaise maua loa sona fetogi. E au loa se pule mo lana solia, o maumaui le kolo mo le fale tapu. Kae e soko loa lona fakaoki ofaipe se lomaki ; kae o kaku ki lona mate, e fai loa e ia se tau maumau, o mulimuli ki le nea leia kua fakatotonu.

Amosi 1:3

Koia e folafola ai le Eteleno, o pati : O tupu ko agaveli e tolu a Tamaso, E fa foki, e leaise kau toe fetogi laku fakatotonu, Talie kua lotou takatakafi Kalaate ki ni saliote ukamea.

Soane 11:48

Kapau e tou tuku a ia ke fai, e tui loa a tagata fuli kiate ia, ti e au loa le kau Loma o maumaui lotatou kolo mo lotatou puleaga.