Taniela 2:38 - Tosi Tapu

³⁸ kua toe soli foki e ia ki ou lima, i ganea fuli ala e lotou nonofo ai, a fanau a tagata, mo manu o le vao, mo manu lele o le lagi, ti kua tuku e ia kiate koe le pule kia latou fuli : ko koe leia ko le fa ulu aulo.

Taniela 2:38 ပူးပေါင်းရင်းမြစ်များ

Selemia 34:1

Na folafola loa le Eteleno kia Selemia, o pati, i le temi leia na fai ai le tau ki Selusalemi mo kolo fuli ala na fakalogo kiate ia, e Nepukatenesale, sau o Papilone, mo lana solia katoa, mo puleaga fuli ala na fakalogo kiate ia, mo kakai fuli.

Taniela 1:2

Na tuku loa e le Aliki ki ona lima Sosakimi, sau o Suta, mo se potu o nea gaoi o le fale tapu o le Atua. Na ave loa e Nepukatenesale a nea gaoi ki le fenua o Sinea, ki le fale o lona atua, ti na tuku e ia a nea gaoi ki le fale koloa o lona atua.

Taniela 2:32

Na aulo le fa ulu o le fakatata ; na siliva ona lima ; na sila lona manava mo ona tega ;

Taniela 2:39

I ou muli, e malaga ake loa ki aluga se tasi puleaga, leia e ikiiki ake i lou puleaga ; ti mo se tolu puleaga, leia e sila loa, ti e pule loa ki le malama nei katoa.

Taniela 4:18

Ko lena le moe miti leia na kau fai, e au, sau ko Nepukatenesale. Ti ko koe, Pelesatesale, fakasa mai kiate au lona uiga, talie na leaise mafai e le kau poto fuli o loku puleaga ke lotou tuku mai a ia. Ko koe, e ke mafai a ia, talie e iate koe le laumalie o atua maokioki.

Taniela 5:18

Ei sau, na soli e le Atua Taualuga ki lou tamana ko Nepukatenesale, le puleaga, mo le mauiga, mo le kololia, ti mo le logologona ;

Taniela 7:4

Na fai le uluaki pe se laione, ti na maua e ia ni kapakau o le akuila ; na kau tio loa o kaku ki le temi leia na taaki ai loa ona kapakau ; na siki loa a ia mei le kele o fakatuu ki ona vae muli ofaipe se tagata, ti na soli loa kiate ia se mafu fakatagata.