Taniela 2:35 - Tosi Tapu

³⁵ Ti na fatifati fakatasi loa le ukamea, mo le kele, mo le sila, mo le siliva, mo le aulo, ti na lotou liliu loa ofaipe le penu leia e agina mei le sasaaga fulumeto i le temi vevela. Na ave loa a ia e le matagi, ti na leaise toe maua loa se nea i le ganea lena. Kae ko le fa fatu leia na taai ia le fakatata na liliu loa ko se mauga lasi, ti na fakaapele loa e ia le malama nei katoa.

Taniela 2:35 ပူးပေါင်းရင်းမြစ်များ

Sopo 6:17

Kae ka au a aso vevela, e masa a ia, Ti ka au a afi o le laa, e malo lona tafeaga.

Pesalemo 103:16

Ka agi se matagi kiate ia, e puli a ia, Ti e leaise toe iloa a ia e le ganea leia na tuu ai.

Pesalemo 22:27

E kai loa le kau mativa ti e lotou makokona loa, Ko latou ala e afa ia le Eteleno e fakafetai loa kiate ia. Ke mauli okoutou laumalie o lee gato !

Pesalemo 37:10

Koi toe fua se ga temi ikiiki, ti e puli loa le tagata agaveli ; E ke tio ki le ganea leia na nofo ai, ti kua puli a ia.

Pesalemo 37:36

Na fakalaka a ia, ti ko leinei, kua puli a ia ; Na kau afa a ia, kae e leaise kau maua a ia.

Pesalemo 46:9

Ke kotou au, ke kotou tio ki gaoi a le Eteleno, Ki maumau ala na fai e ia i le malama nei !

Pesalemo 66:4

E atolasio le malama nei katoa kiate koe ti e sua e ia lou mauiga ; E sua e ia lou suafa. - Manava.

Pesalemo 86:9

Ei Aliki, e au loa a atu puleaga fuli ala na ke fakatupu O punou i ou mua, ti mo fakakololia ki lou suafa.

Esaia 11:9

E leaise toe fai loa se nea veli, pe ko se maumau I loku mauga maokioki katoa ; Talie e apele loa le malama nei katoa i le iloa o le Eteleno, Ofaipe le apele o le takele o le tai i vai ala e ufiufi ia a ia.

Esaia 8:9

Kakai, ke kotou fakamapa ni kalaga tau ! ti e fatifatii loa koutou ; Kotou fakalogo mai okoutou taliga, koutou fuli ala e nonofo i mamao ! Kotou teuteu ki le tau, ti e fatifatii loa koutou ; Kotou teuteu ki le tau, ti e fatifatii loa koutou.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Oseo 13:3

Koia e lotou fai ai loa pe le kokofu o le usu, Pe le sasau leia e puli vave, Pe le penu leia e ave e le matagi i sasaaga fulumeto, Pe le afu leia e ulu mei se katupa.

Mikea 4:13

Taine o Sione, tuu ki aluga, ti ke takatakafi ! E kau fai loa kiate koe se tala ukamea mo ni matininia sila, Ti e ke gugu loa ni kakai mauke ; E ke fakatapu loa alatou nea malilie ki le Eteleno, Olatou koloa ki le Aliki o le malama nei katoa.

Sakalia 12:3

I le aso lena, e kau fakaliliu loa Selusalemi ko se fatu mamafa ki kakai fuli ; Ko latou fuli ala e siki ia loa a ia e lavelavea loa ; Ti e fakatasi loa a atu puleaga fuli o le malama nei kiate ia.

Uluaki tosi ki le kau Kolinto 15:25

Talie e tonu ke pule a ia o kaku ki lana tuku ia ona fili fuli ki lalo o ona vae.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 12:8

Kae na leaise malo loa le gata mo lana kau aselo, ti na leaise toe maua loa se nofoaga kia latou i le lagi.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.