Taniela 2:34 - Tosi Tapu

³⁴ Na ke tio ki le fakatata lena, ti na fokifa fai kua matata mai se fa fatu, leia na leaise tokoi ki ai se lima, ti na taai loa e ia a vae ukamea mo kele o le fakatata, o momomomo.

Taniela 2:34 ပူးပေါင်းရင်းမြစ်များ

Pesalemo 118:22

Ko le fatu leia na tiaki e latou ala na fakatuu ia le fale Kua liliu ko le fatu tafito o le agele.

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Esaia 60:12

Talie ko le kakai mo le puleaga, ala e leaise tausi loa kiate koe, e mamate loa ; Io, e tuuti loa a puleaga ana.

Esaia 8:9

Kakai, ke kotou fakamapa ni kalaga tau ! ti e fatifatii loa koutou ; Kotou fakalogo mai okoutou taliga, koutou fuli ala e nonofo i mamao ! Kotou teuteu ki le tau, ti e fatifatii loa koutou ; Kotou teuteu ki le tau, ti e fatifatii loa koutou.

Esekiele 32:28

Ko koe foki, Esipito, e fatii loa a koe i loto malie o le kau pagani ; E ke moe loa mo latou ala na tamate e le seleta.

Esekiele 47:5

Na toe fua loa e ia ni meta e kau lelau lima, kae kua liliu a ia ko se vaitafe, leia na leaise mafai ke kau fakalaka ai, talie na loloto ai le vai ti na tonu ke kakau i ai ; ko se vaitafe leia na leaise feala ke fakalaka i ai.

Taniela 2:33

na ukamea ona vae ; ti ko ona taga vae, na ukamea le tasi a koga, kae na kele le tasi a koga.

Taniela 7:27

Ko le sau, mo le pule, ti mo le kololia o puleaga fuli i lalo o le lagi, e soli loa ki le kakai o le kau sagato a le Taualuga. Ko lona puleaga ko se puleaga lee gato, ti e tausi loa a pule fuli kiate ia mo fakalogo loa kiate ia.

Taniela 8:25

O tupu ko le lasi o lona koloa ti mo le manuia o ana kaka, e maua loa e ia i lona loto le fia nealasi, ti e tamate loa e ia ni tagata i ala na mauli fimalie, ti e malaga loa a ia ki le Aliki o aliki ; kae e fatii loa a ia, sala mo se tokoi a se lima.

Sakalia 12:3

I le aso lena, e kau fakaliliu loa Selusalemi ko se fatu mamafa ki kakai fuli ; Ko latou fuli ala e siki ia loa a ia e lavelavea loa ; Ti e fakatasi loa a atu puleaga fuli o le malama nei kiate ia.

Sakalia 4:6

Ti na toe masau mai loa a ia kiate au, o pati : Ko leinei le folafola leia e tuku e le Eteleno kia Solopapele : E leaise ko le fakamakeke pe ko le makeke, kae ko loku Laumalie, e folafola le Eteleno o kau tau.

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Soane 1:13

o leia i le toto, pe i le finegalo o le kanofi, pe i le finegalo o le tagata, kae i le Atua.

Gaoi 4:11

Ko Sesu Ko le fatu leia na tiaki e koutou ala na laga ia, Ti kua liliu a ia ko le fatu tafito o le agele.

Lua tosi ki le kau Kolinto 5:1

Talie e ma iloa, ka maumaui loa le falela leinei leia e ma nonofo ai i le malama nei, e ma maua ia loa i le lagi se fale leia na fai e le Atua, ko se nofoaga lee gato leia na leaise fai e le lima o tagata.

Epelo 9:24

Talie na leaise ulu Kilisito ki se sagatualio leia na fau e lima o le tagata, leia ko le fakatata o le tapenakulo maoki, kae na ulu a ia ki le lagi totonu, o tupu ke fakafofoga e ia tatou i le temi nei i mua o le Atua.

Uluaki tosi a Petelo 2:7

Koia, kua mauiga a ia kia koutou, ala kua tui. Kae, kia latou ala e leaise tui, Ko le fatu leia na tiaki e latou ala na fau fale Na liliu ko le fatu tafito o le agele, Ti ko se fatu fakatupu tukia, Ti mo se utu fakatupu siga ;

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 17:14

Ti e lotou tau loa ki le Akeno, ti e malo loa le Akeno ia latou, talie ko le Aliki a ia o aliki, ti ko le Sau a ia o atu sau ; ti e toe malo foki ia latou le kau kalagai, mo le kau filifiliia, ti mo le kau agatonu ala e nonofo mo ia.