Taniela 2:30 - Tosi Tapu

³⁰ Kapau kua fakasa le nea fakafufu lena kiate au, e leaise tupu e iate au se poto leia e lasi ake i le poto o tagata mauli fuli ; kae e tupu ke fakasa le fakamatala o le moe miti mo lona uiga ki le sau, ti ke iloa e koe a fakakaukau o lou loto.

Taniela 2:30 ပူးပေါင်းရင်းမြစ်များ

Senesi 41:16

Na tali loa Sosefo kia Falaone : E leaise ko au ! Kae ko le Atua leia e soli ia loa se tali malie kia Falaone.

Pesalemo 139:2

E ke iloa mo ka kau tonatona ki lalo, ti mo ka kau tuu ki aluga, E ke ului mei mamao laku manatu ;

Esaia 45:4

O tupu ko loku alofa ki laku tagata fakasausau ko Sakopo, Ti mo Iselaele, laku filifiliia, Na kau kalagai a koe i lou igoa totonu, Na kau masau kiate koe i le loto malie, i mua o lau iloa au.

Taniela 1:17

Na soli loa e le Atua ki tupulaga ana e toka fa le poto, mo le atamai i faasiga faitosi fuli ti mo le poto ; ti na fakamatala loa e Taniela a tio fuli mo moe miti fuli.

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Taniela 2:49

Na kole loa e Taniela ki le sau ke tuku ake le pule o le fenua o Papilone kia Satalake, mo Mesake, mo Apeneteko. Kae na nofo loa Taniela i le matapa o le sau.

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.

Mateo 24:22

Ti kana leaise fakateiki a aso ana, e leaise sao loa se tasi ; kae o tupu ko le kau filifiliia e fakateiki loa a aso ana.

Maleko 13:20

Ti kanapau na leaise fakatoetoe e le Aliki a aso ana, e leaise saofaki loa se tasi ; kae na fakatotoe e ia a aso ana o tupu ko lana kau filifiliia.

Gaoi 3:12

Ko Petelo, i lana tio ki le nea lena, na masau loa ki le kakai, o pati : Tagata Iselaele, kolea e kotou punamauli ai ki le nea leinei ? Kolea e kotou tio fakamaumau mai ai kia maua, o sakinake kua ma fakasaele le tagata leinei i loma makeke pe i loma tausi malie ki le Atua ?

Loma 8:28

Ti e tou iloa e gaoi a nea fuli ki le malie o latou e alofa ki le Atua, o latou kua kalagai o mulimuli ki lana fakatuutuu.

Lua tosi ki le kau Kolinto 4:15

Talie e soko a nea fuli ana ko koutou, o tupu ke liuliuga le kalasia leia e fakalasi ia a fakafetai a se toka api ki le kololia o le Atua.