Taniela 2:29 - Tosi Tapu

²⁹ Ei sau, i lou moeaga, na ke fakakaukau o uiga mo le temi leia ka soko mai ; ti ko leia e fakasa ia a nea fakafufu na fakasa ia kiate koe le nea leia ka soko loa.

Taniela 2:29 ပူးပေါင်းရင်းမြစ်များ

Senesi 41:25

Na pati loa Sosefo kia Falaone : Ko le nea leia na moe miti ki ai Falaone ko le nea e tasi. Kua fakasa e le Atua kia Falaone le nea leia ka fai loa e ia.

Esekiele 38:10

Koia e folafola ai le Aliki, le Eteleno, o pati : I le aso lena, e malaga loa ni manatu i lou loto, Ti e ke fai loa ni fakatuutuu veveli.

Taniela 2:22

E fakasa e ia le nea leia e loloto mo munia, e iloa e ia le nea leia e tuku i le fakapouli, ti e iate ia le malama.

Taniela 2:23

Atua o oku tamana, e kau fakakololia kiate koe, ti e kau fakavikiviki kiate koe i lau soli mai kiate au le poto mo le makeke, ti mo lau fakasa mai kiate au le nea leia na motou kole atu kiate koe, ti mo lau fakasa mai kia matou le nea fakapulipuli a le sau.

Taniela 2:28

Kae e i ai i le lagi se Atua leia e fakasa ia a nea fakafufu, ti kua fakasa e ia ki le sau ko Nepukatenesale le nea leia ka soko mai loa i temi ki muli. Ko leinei lau moe miti mo nea ala na ke tio ki ai i lou moeaga.

Taniela 2:45

Ko lena le uiga o le fa fatu leia na ke tio na mataaki mei le mauga ti na leaise tokoi ki ai se lima, leia na momoi ia le ukamea, mo le sila, mo le kele, mo le siliva, mo le aulo. Kua fakasa e le Atua lasi ki le sau le nea leia ka soko loa ki muli. E maoki le moe miti, ti e maoki lona fakamatala.

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.