Taniela 2:28 - Tosi Tapu

²⁸ Kae e i ai i le lagi se Atua leia e fakasa ia a nea fakafufu, ti kua fakasa e ia ki le sau ko Nepukatenesale le nea leia ka soko mai loa i temi ki muli. Ko leinei lau moe miti mo nea ala na ke tio ki ai i lou moeaga.

Taniela 2:28 ပူးပေါင်းရင်းမြစ်များ

Senesi 40:8

Na la tali loa kiate ia : Na ma moe miti, ti e leaise tasi ke kikite ia. Na pati loa Sosefo kia laua : Ko le Atua toka tasi leia e feala ke fakamatala ia a moe miti ana kia koulua. Kolua fakamatala mai a moe miti kiate au.

Senesi 41:16

Na tali loa Sosefo kia Falaone : E leaise ko au ! Kae ko le Atua leia e soli ia loa se tali malie kia Falaone.

Senesi 41:25

Na pati loa Sosefo kia Falaone : Ko le nea leia na moe miti ki ai Falaone ko le nea e tasi. Kua fakasa e le Atua kia Falaone le nea leia ka fai loa e ia.

Senesi 49:1

Na kalagai loa e Sakopo ona vosa, o pati : Kotou fakatasi mai. Ti e kau fakasa loa kia koutou le nea leia ka soko loa kia koutou i temi ki muli.

Pesalemo 115:3

E nofo lomatou Atua i le lagi, E fai e ia a nea fuli e finegalo a ia ki ai.

Esaia 2:2

E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Selemia 10:7

Ko ai e leaise i loa kiate koe, sau o atu puleaga ? Ko koe leia e tonu ke fai ki ai le i ; Talie e leaise tatau se tasi mo koe I le kau poto fuli o atu puleaga ti mo olatou puleaga fuli.

Selemia 30:24

E leaise toe fimalie loa le sausau o le Eteleno, O kaku ki le oki o lana fakasoko, mo fai a fakatuutuu o lona loto. E kotou matala loa ki le nea lena i se temi ki muli.

Selemia 48:47

Kae e kau toe aumai loa le kau popula o Moape, i se temi ki muli, E pati le Eteleno. Ko lena le fakamaau o Moape.

Esekiele 28:3

Ko leinei, e ke poto ake ia Taniela, E leaise munia se nea fakapulipuli kiate koe ;

Esekiele 38:16

E ke saele loa ki loku kakai ko Iselaele, Ofaipe se ao leia ka ufiufi ia loa le fenua. I aso fakamuli, e kau tuku loa a koe ke saele ki loku fenua, O tupu ke iloa au e atu puleaga, Mo ka ke fakasa loa, e koe, ei Koke, Ko au ko le Atua maokioki ki olatou mata !

Esekiele 38:8

E sili loa ni aso mauke, e ke nofo loa ko lolatou pule ; E oki loa ni fetuu, e ke saele loa ki le fenua Leia na sao lona kakai i le seleta, Ti na fakatasi mei ni fenua mauke Ki mauga o Iselaele ala na lavaki fualoa. E lotou nofo kese loa i atu puleaga, E lotou fimalie loa i olatou nofoaga.

Taniela 1:20

I nea fuli ala na aoga ki ai se poto mo se atamai, ti mo nea fuli ala na fakavesilii latou ki ai e le sau, na maua loa e le sau ia latou e lotou popoto lasi ake o tua kau agafulu i le kau fai nea fakatalatupua mo le kau sivi o le temi, ala na maua i lona puleaga katoa.

Taniela 10:14

E kau au i le lakaga nei o fakasa kiate koe le nea leia e tonu ke soko ki lou kakai i le temi ki muli ; talie ko le nea leia e ke tio ki ai e toe uiga foki mo le temi lena.

Taniela 2:18

O tupu ke lotou kole le manava alofa o le Atua o le atu lagi, talie ke aua na tamate a Taniela mo ona kaukaunea, o fakatasi mo le kau poto o Papilone.

Taniela 2:22

E fakasa e ia le nea leia e loloto mo munia, e iloa e ia le nea leia e tuku i le fakapouli, ti e iate ia le malama.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 2:45

Ko lena le uiga o le fa fatu leia na ke tio na mataaki mei le mauga ti na leaise tokoi ki ai se lima, leia na momoi ia le ukamea, mo le sila, mo le kele, mo le siliva, mo le aulo. Kua fakasa e le Atua lasi ki le sau le nea leia ka soko loa ki muli. E maoki le moe miti, ti e maoki lona fakamatala.

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Taniela 4:5

Na kau fai loa se moe miti leia na tupu ai loku i lasi ; ko manatu ala na kau maua i loku moeaga ti mo nea ala na tio ki ai loku laumalie na fakaii ai.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.

Numelo 24:14

Ti ko leinei e kau toe liliu loa ki loku kakai. Kae i mua, au, ke kau fakasa fakatomua atu kiate koe le nea leia e fai loa e fanau a Iselaele ki lou kakai i temi ki muli.

Mateo 6:9

Koia e tonu ai ke kotou faikole feneeki : Lomatou Tamana leia e nofo i le atu lagi ! Ke tapusa lou suafa ;

Tetelonome 31:19

I le aso nei, ke ke tosi le katiko leinei. Ke ke ako a ia ki fanau a Iselaele, ke ke tuku a ia ki olatou gutu, ti ke liliu le katiko lena ko se fakamaoki kiate au i mua o fanau a Iselaele.

Tetelonome 4:30

I le mamae, mo ka soko loa a nea fuli ana kiate koe, e soko loa i se temi ki muli, e ke toe liliu loa ki le Eteleno, lou Atua, ti e ke fakalogo loa ki lona leo ;

Lua tosi kia Timoteo 3:1

Ke ke iloa, i aso fakaoki, e i ai loa ni temi faigataa.

Epelo 1:1

I mua, na masau le Atua i ni temi kesekese ti mo ni fai kesekese ki otatou tamana i le kau polofeta,

Lua tosi a Petelo 3:3

Kotou iloa mua, i aso fakamuli, e au loa ni kau gologolo, ala e saele loa o mulimuli ki olatou oli veveli totonu.

Apokalipisi 1:1

Fakasa o Sesu-Kilisito, leia na tuku e le Atua kiate ia ke fakailo ki ana tagata fakasausau a nea ala e tonu ke soko vave, ti na fakailo e ia, i le kakau o lana aselo, ki lana tagata fakasausau ko Soane ;