Taniela 2:25 - Tosi Tapu

²⁵ Na taki fakatavili loa e Alioke a Taniela ki mua o le sau, ti na masau feneeki loa a ia ki le sau : Kua kau maua i le kau popula o Suta se tagata leia e soli ia loa ki le sau le fakamatala o lana moe miti mo lona uiga.

Taniela 2:25 ပူးပေါင်းရင်းမြစ်များ

Senesi 41:14

Na fakatotonu loa e Falaone ke avake Sosefo kiate ia. Ti na too fakatavili loa Sosefo i le fale pilisoni. Ti na tele loa e Sosefo lona kau kava, ti na fetogi loa e ia ona teu, ti na ano loa a ia ki mua o Falaone.

Neemia 7:6

Ko nei latou o le fenua ala na toe liliu mai mei le popula, latou ala na ave popula e Nepukatenesale, sau o Papilone, ti na toe liliu mai loa ki Selusalemi mo Suta, o tasi nofo i lona kolo.

Taagapati 24:11

Saofaki latou ala e toso ki le mate ! Saofaki latou ala e ave ke tamate !

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Taniela 1:6

Na nofo ia latou, mei vosa o Suta, a Taniela, mo Anania, mo Misaele ti mo Asalia.

Taniela 5:13

Na fakaulu mai loa Taniela ki mua o le sau. Ti na masau loa le sau, o pati kia Taniela : Pe ko Taniela a koe, se tasi o le kau popula leia na aumai e le sau, loku tamana, mei Sutea ?

Taniela 6:13

Na lotou toe masau loa, o pati ki le sau : Ko Taniela, se tasi o le kau popula o Suta, na leaise fakaapaapa fua a ia kiate koe, ei sau, ti mo le tapu leia na ke fakamaoki ki ai, talie e faikole tua tolu a ia i le aso.