Taniela 12:7 - Tosi Tapu

⁷ Ti na kau logo loa ki le tagata kofu tea, leia na tuu i aluga o vai o le vaitafe ; na siki loa e ia ki le lagi lona lima atamai mo lona lima sema, ti na fakapapau loa a ia i leia e mauli o lee gato, e soko loa i se temi, mo ni temi, ti mo se vaeluai temi, ti e oki loa nea fuli ana i le aso leia e fatifatii ai loa le makeke katoa o le kakai maokioki.

Taniela 12:7 ပူးပေါင်းရင်းမြစ်များ

Sopo 27:2

E mauli le Atua, leia e leaise fia fakasa ia loku faitotonu ! E mauli le Mafimafi, leia kua fakaapele ia loku laumalie ki se mamae kona !

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Esekiele 20:5

E ke pati loa kia latou : E folafola le Aliki, le Eteleno, o pati : I le aso leia na kau filifili ai Iselaele, na kau siki loku lima ki le sakoga o le fale o Sakopo, ti na kau sa kia latou i le fenua o Esipito ; ti na kau siki loku lima kia latou, o pati : Ko au ko le Eteleno, lokoutou Atua.

Taniela 10:5

Ti na tio loa oku mata ki aluga, ti na kau tio loa, ti ko leinei, na i ai se tagata kua teu ki se kofu tea, ti na nonoa i ona vakavaka se kilii pipi aulo mei Ufasi.

Taniela 11:13

Talie e toe tanaki loa e le sau o le noleto se kau tau leia e toe lasi ake i le uluaki kau tau. E sili loa ki ai ni fetuu, ti e saele loa a ia mo se kau tau lasi ti mo ni masafu tau ala e toe lasi ake.

Taniela 12:6

Na pati loa le tasi ia laua ki le tagata kofu tea, leia na tuu i aluga o vai o le vaitafe : Ko afea loa e soko ai le fakaoki o nea fakaofolele ana ?

Taniela 12:8

Na kau logo loa, kae na leaise kau matala loa ; ti na kau pati loa : Loku aliki, kolea loa le fakaoki o nea fuli ana ?

Taniela 4:31

Kae e leikiaise oki le masau mei le gutu o le sau, kae ko leinei, na au loa se leo mei le lagi : Ke ke iloa, sau ko Nepukatenesale, e too loa lou puleaga meiate koe.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Taniela 7:21

Na kau tio loa ki le tala lena na tau ki le kau sagato, ti na malo loa a ia ia latou,

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Taniela 8:14

Ti na pati mai loa a ia kiate au : Ko afiafi mo usu e lua afe kau lelau tolu ; ti e mea loa le sagatualio.

Taniela 8:24

E tupu loa lona makeke o lasi, kae e leaise ko lona makeke totonu o ona ; e fai loa e ia ni maumau fakaii, ti e manuia loa ana gaoi, ti e maumaui loa e ia le kau lalasi mo le kakai o le kau sagato.

Luka 21:14

Koia ke fakapapau okoutou loto, ke aua na kotou tuania pe feaki loa lakoutou tali ;

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Tetelonome 26:19

o tupu ke soli atu loa e ia kiate koe, i aluga o puleaga fuli ala na fakatupu e ia, le tuulaga uluaki i le kololia, mo le igoa, mo le mamalu, ti ke ke liliu loa ko se kakai maokioki ki le Eteleno, lou Atua, o mulimuli ki lana folafola.

Tetelonome 32:36

E fakamaaui loa e le Eteleno lona kakai ; Kae e alofa loa a ia ki ana tagata fakasausau, Mo ka tio a ia kua oki lolatou makeke, Ti e leaise maua se tasi ke tokoi kiate ia, Ti e leaise maua se tasi ke toe fanaki a ia ki ai !

Tetelonome 32:40

Talie e kau siki loku lima ki le lagi, Ti e kau pati : E kau mauli o lee gato !

Tetelonome 7:6

Talie ko se kakai a koe leia kua fakatapui ki le Eteleno, lou Atua. Ti kua filifili a koe e le Eteleno, lou Atua, ke ke liliu ko se kakai alofaina kiate ia, i kakai fuli ala e maua i aluga o le kele.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Apokalipisi 12:14

Ti na soli loa ki le fafine a kapakau e lua o le akuila lasi ke lele ai ki le toafa, ki lona mumuniaga, ki le ganea leia e fagai ai loa a ia i se temi, mo ni temi, ti mo le vaelua o se temi, o mamao mei mata o le gata.

Apokalipisi 12:6

Ti na sola loa le fafine ki le toafa, ki le ganea leia na teuteui e le Atua kiate ia ke fagai ai a ia i aso e afe kau lelau lua kau ono.

Apokalipisi 13:5

Ti na soli loa kiate ia se gutu leia na puaki ia ni masau mata tuu ti mo ni lauveli ki le Atua ; ti na soli loa kiate ia le pule ke gaoi i masina e kau fa tupu lua.

Apokalipisi 4:10

na tulolo loa le kau matua e tino lua tupu fa i mua o leia e ekeeke i le ekeekeaga fakasau, o atolasio ki leia e mauli i sekulo mo sekulo, ti na lotou ti loa olatou pala ki mua o le ekeekeaga fakasau, o pati :

Apokalipisi 4:9

I le tuku e manu mauuli le kololia, mo le fakamauiga ti mo le fakafetai ki leia e ekeeke i le ekeekeaga fakasau, ki leia e mauli o kaku ki sekulo mo sekulo,