Taniela 12:6 - Tosi Tapu

⁶ Na pati loa le tasi ia laua ki le tagata kofu tea, leia na tuu i aluga o vai o le vaitafe : Ko afea loa e soko ai le fakaoki o nea fakaofolele ana ?

Taniela 12:6 ပူးပေါင်းရင်းမြစ်များ

Pesalemo 74:9

E leaise koi motou tio ki omatou fakamailoga ; E leaise koi maua se polofeta, Ti e leaise tasi ia matou e iloa ia pe kaku loa kiafea…

Esekiele 9:2

Ti ko leinei, na kaku mai ni tagata e toka ono i le ala o le matapa aluga leia e aga ki le potu noleto, o tasi mo ia lana masafu ke tamate i lona lima. Na i ai se tagata i loto malie o latou leia na kofu ki se kofu tea fulumalie, ti na tau i lona vakavaka se tanakiaga nea fai tosi. Na lotou au loa o tutuu ofi ki le aletale sila.

Taniela 12:5

Ti ko au, Taniela, na kau tio, ti ko leinei, na tutuu ni iki ake tagata e toka lua i laugutu o le vaitafe, ko le tasi i le tasi kauvai ti ko le tasi i leia ake kauvai o le vaitafe.

Taniela 12:8

Na kau logo loa, kae na leaise kau matala loa ; ti na kau pati loa : Loku aliki, kolea loa le fakaoki o nea fuli ana ?

Taniela 8:13

Na kau logo loa ki le masau a se aselo, ti na tali loa se tasi ake aselo ki leia na masau : Pe fualoa loa le temi leia e soko ai le tio ki le sakilifisio o aso taki tasi, mo le agasala o le tagata maumau ? Pe kaku loa kiafea le takatakafi o le sagatualio mo le solia o le lagi ?

Taniela 8:16

Ti na kau logo loa ki le leo o se tagata i loto malie o le vaitafe ko Ulai ; na kalaga loa a ia, o pati : Kapeliele, fakamatala kiate ia le tio.

Mateo 24:3

Na tonatona loa a ia i le mauga o Oliveto. Ti na au loa le kau tisipulo tefua, o fai kiate ia le vesili leinei : Fakasa mai kia matou, pe ko le temi fea leia e soko ai loa le nea lena, ti kolea le fakamailoga o lau toe liliu mai ti mo le fakaoki o le malama nei ?

Maleko 13:4

Fakasa mai kia matou, pe koafea e soko ai loa le nea lena, ti kolea le fakamailoga e iloa ai loa ka soko loa a nea fuli ana ?

Efeso 3:10

Koia kua iloa ai i le aso nei e le kau pule mo le kau makeke i potu fakalagi i le Ekelesia le poto lee gato o le Atua i ona anoaga kesekese,

Uluaki tosi a Petelo 1:12

Na fakasa loa kia latou ko nea ala na tuku kia latou ko ni nea, o leai kia latou totonu, kae kia koutou. Ti kua fakasa atu kia koutou a nea ana i le temi nei e latou ala na akonaki ia le Evaselio i le Laumalie Maokioki leia na kakau mei lagi, ti e oli le kau aselo ke tio ki ai.

Apokalipisi 15:6

Ti na ulu loa mei le fale tapu ni aselo e fitu ala na too ia a malaia e fitu, ti kua kofu ki se kie tea mea, mo gigila, ti kua toi i olatou fatafata ni kilii pipi aulo.

Apokalipisi 19:14

Ti na muli loa iate ia a kau tau ala i le lagi, mo ni osi tetea, kua teu ki le kie mauiga, mo tea, mo mea.

Apokalipisi 6:10

Ti na lotou kalaga leo lasi loa, o pati : E kaku loa kiafea, Pule maokioki mo maoki, lau talitali ke fakamaaui mo totogi lomatou toto ki le kakai o le malama nei ?