Taniela 11:37 - Tosi Tapu

³⁷ E leaise tokaga loa le sau lena ki atua o ona tamana, pe ko le atua leia na oli ki ai a fafine ; e leaise tokaga loa a ia ki se atua, talie e fia taualuga ake loa a ia i atua fuli.

Taniela 11:37 ပူးပေါင်းရင်းမြစ်များ

Senesi 3:16

Ti na pati loa a ia ki le fafine : E kau fakalasi loa le mamae o ou tinae, ti e ke fanau loa i le mamae, ti e ano loa ou oli ki lou avaga, kae e pule loa a ia kiate koe.

Senesi 3:5

kae e iloa e le Atua, i le aso leia e kolua kai loa ki ai, e mavaa loa okoulua mata, ti e kolua tatau loa mo le Atua, o kolua iloa loa le malie mo le veli.

Katiko o Katiko 7:10

Ti mo lou gutu pe se vino suamalie tukupau… Leia e sali faigaofie ki loku alofaaga, Ti e seke i laugutu o latou ala e momoe !

Esaia 14:13

Na ke pati i lou loto : E kau pale loa ki le lagi ; E kau siki loa loku ekeekeaga fakasau ke taualuga ake i fetuu a le Atua ; E kau tonatona loa i le mauga o le fakatasiga, I le potupotu o le noleto ;

Esaia 14:14

E kau pale loa ki le tumutumu o ao ; E kau tatau loa mo le Taualuga.

Esekiele 24:16

Vosa o le tagata, ko leinei, e kau too iate koe ki se mate fakaofolele, le fiafiaaga o ou mata. Aua na ke tagi laulau loa, aua na ke tagi loa, ti aua na sali loa ou loimata.

Esekiele 28:2

Vosa o le tagata, pati ki le sau o Tile : E folafola le Aliki, le Eteleno, o pati : Kua malaga ki aluga lou loto, ti kua ke pati : E kau Atua, E kau ekeeke i le ekeekeaga o le Atua, i le manava o atu tai ! Ko koe, e ke tagata kae e leaise ke Atua, Ti e ke too lou finegalo ki le finegalo o le Atua.

Taniela 11:36

E fai loa e le sau le nea leia e loto a ia ki ai ; e malaga loa a ia ki aluga, ti e fia tuu loa a ia i aluga o atua fuli, ti e fai loa e ia ni masau fakavale ki le Atua o atua ; ti e manuia loa a ia o kaku ki le katoa o le sausau o le Atua, talie e soko loa le nea leia kua fakatuutuu.

Taniela 11:38

Kae e fakaapaapa loa a ia ki le atua o kolo tau, leia na leaise iloa e ona tamana ; e momoli loa e ia kiate ia se aulo mo se siliva, mo ni fatu mauiga ti mo ni iki ake a nea mauiga.

Taniela 8:11

Na malaga loa a ia o kaku ki le pule o le kau tau, ti na too loa e ia le failaulau o aso taki tasi meiate ia, kae fakakelekele loa e ia le sagatualio.

Tetelonome 21:11

e feala loa ke ke tio i le kau fafine pilisoni ki se fafine tupulaga, ti ke mamana loa ki ai, o ke fia avaga loa mo ia.

Tetelonome 5:21

Ke aua na ke oli loa ki le avaga o lou oloi ; ke aua na ke manumanu loa ki le fale o lou oloi, pe ko lana faisaga, pe ko lana tagata fakasausau, pe ko lana fafine fakasausau, pe ko lana pipi tagata, pe ko lana asino tagata, pe ko se nea fua o lona fale.

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.

Uluaki tosi kia Timoteo 4:3

e lotou fakatotonu ke aua na avaga, ti ke aua na kai a nea kai ala na fakatupu e le Atua ke too mo le loto fakafetai e latou ala e agatonu ti kua iloa ia le maoki.