Taniela 11:36 - Tosi Tapu

³⁶ E fai loa e le sau le nea leia e loto a ia ki ai ; e malaga loa a ia ki aluga, ti e fia tuu loa a ia i aluga o atua fuli, ti e fai loa e ia ni masau fakavale ki le Atua o atua ; ti e manuia loa a ia o kaku ki le katoa o le sausau o le Atua, talie e soko loa le nea leia kua fakatuutuu.

Taniela 11:36 ပူးပေါင်းရင်းမြစ်များ

Pesalemo 136:2

Kotou fakafetai ki le Atua o atua, Talie e lee gato lona manava alofa !

Pesalemo 33:10

E maumaui e le Eteleno a fakatuutuu a atu puleaga, E fakanoai e ia a fakatuutuu a kakai ;

Taagapati 19:21

E lasi fakatuutuu i le loto o le tagata, Kae ko le fakatuutuu a le Eteleno leia e soko.

Esaia 10:23

Ti ko le maumau lena na fakapapau, E fakasoko loa a ia e le Aliki, le Eteleno o kau tau i le fenua katoa.

Esaia 10:25

Kae, koi toe fai se ga temi ikiiki, Ti e gato loa le tautea, Ti e maliu loa loku sausau kiate ia o tamate a ia.

Esaia 10:5

Malaia ki Asilia, ko le laakau o loku sausau ! Ko le laakau a ia i lona lima, ko le nea gaoi a ia o loku sausau.

Esaia 14:13

Na ke pati i lou loto : E kau pale loa ki le lagi ; E kau siki loa loku ekeekeaga fakasau ke taualuga ake i fetuu a le Atua ; E kau tonatona loa i le mauga o le fakatasiga, I le potupotu o le noleto ;

Esaia 14:14

E kau pale loa ki le tumutumu o ao ; E kau tatau loa mo le Taualuga.

Esaia 26:20

Ano, ei loku kakai, ulu ki lou kogafale, Ti ke tapono le matapa i ou muli ; Mumuni i se ga temi toetoe fua, O kaku ki le oki o le ita.

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Esaia 46:10

E kau fakasa mei le kamataaga le nea leia e tonu ke soko, Ti mei mamao le nea leia e leikiaise soko ; E kau pati : E tuu mau loa aku fakatuutuu, Ti e kau fai loa loku finegalo katoa.

Esaia 57:9

E ke ano ki le sau mo se lolo, E ke liuliuga au nea fakamanogi ; E ke kakau ki mamao au tagata avelogo, E ke ifo o kaku ki le nofoaga o le kau mate.

Esekiele 28:2

Vosa o le tagata, pati ki le sau o Tile : E folafola le Aliki, le Eteleno, o pati : Kua malaga ki aluga lou loto, ti kua ke pati : E kau Atua, E kau ekeeke i le ekeekeaga o le Atua, i le manava o atu tai ! Ko koe, e ke tagata kae e leaise ke Atua, Ti e ke too lou finegalo ki le finegalo o le Atua.

Esekiele 35:13

Na kotou malaga kiate au i akoutou masau, Na kotou liuliuga akoutou masau veli kiate au : Na kau logo.

Taniela 11:16

E tau loa le sau o le noleto kiate ia, ti e fai loa e ia le nea leia e loto a ia ki ai, ti e leaise tuu loa se tasi i ona mua ; e nofo loa a ia i le fenua manuia, o tamate a nea fuli ala e vilo ki lona lima.

Taniela 11:3

Kae e malaga loa se sau toe i Sava, leia e pule loa ki se puleaga lasi, ti e fai ia loa le nea leia e loto a ia ki ai.

Taniela 11:37

E leaise tokaga loa le sau lena ki atua o ona tamana, pe ko le atua leia na oli ki ai a fafine ; e leaise tokaga loa a ia ki se atua, talie e fia taualuga ake loa a ia i atua fuli.

Taniela 12:7

Ti na kau logo loa ki le tagata kofu tea, leia na tuu i aluga o vai o le vaitafe ; na siki loa e ia ki le lagi lona lima atamai mo lona lima sema, ti na fakapapau loa a ia i leia e mauli o lee gato, e soko loa i se temi, mo ni temi, ti mo se vaeluai temi, ti e oki loa nea fuli ana i le aso leia e fatifatii ai loa le makeke katoa o le kakai maokioki.

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Taniela 5:19

O tupu ko le mauiga leia na tuku e le Atua Taualuga kiate ia, na i fuli a kakai, mo puleaga, mo tagata mei faasiga masau kesekese i ona mua. Na fakatotonu e le sau ke tamate latou ala e loto a ia ki ai, ti na tuku e ia le mauli kia latou ala na loto a ia ki ai ; na siki e ia ki aluga latou ala na loto a ia ki ai ; ti na tuku e ia ki lalo latou ala na loto a ia ki ai.

Taniela 5:20

Kae i le aso leia na fia nealasi ai a ia ti na fakafefeka ai e ia lona loto, na ti loa a ia ki lalo mei lona ekeekeaga fakasau, ti na too loa meiate ia lona kololia ;

Taniela 7:8

Na kau tokaga loa ki tala, ti ko leinei na somo ake loa se ga tala ikiiki i loto malie o tala, ti na mataaki loa a tala e tolu o uluaki tala i mua o le ga tala lena. Ti ko leinei, na maua loa e le tala foou lena ni ona mata ofaipe se tagata, ti mo se gutu leia na masau matasoka.

Taniela 8:19

Ti na pati mai loa a ia kiate au : E kau fakasa atu loa kiate koe le nea leia ka soko loa i le oki o le sausau o le Atua, talie e i ai se temi leia kua fakamailoga ki le fakaoki.

Taniela 8:4

Na kau tio loa ki le ovi tagata leia na ta ia ona tala ki le uesite, mo le noleto, ti mo le saute ; na leaise mafai e se manu e tasi ke tuu i ona mua, ti na leaise mafai e se tasi ke saofaki ia mei ona lima ; kae na fai e ia ki lona loto, ti na liliu loa a ia o makeke.

Sakalia 11:16

Talie ko leinei, e kau lagai loa i le fenua se tagata tausi manu leia e leaise tokaga loa ki le kau ovi leia ka mate ; e leaise ano loa a ia o afa a ovi ala koi muli, e leaise faitoo loa e ia a ovi ala kua lavelavea, e leaise fagai loa e ia a ovi ala e malolo ; kae e kai loa e ia le kanofi o ovi ala e pepeti, ti e kai loa e ia latou o kaku ki olatou motikuku.

Soane 5:30

E leaise kau mafai fua se nea iate au totonu : E kau fakamaau o mulimuli ki le nea leia e kau logo ki ai ; ti e maoki laku fakamaau, talie e leaise kau afa ia loku finegalo, kae e kau afa le finegalo o leia na kakau ia mai au.

Soane 6:38

talie na leaise kau ifo mei lagi o fai loku finegalo, kae le finegalo o leia na kakau ia mai au.

Gaoi 4:28

o fai a nea fuli ala na fakatuutuu fakatomua e lou lima ti mo lou poto.

Tetelonome 10:17

Talie ko le Eteleno, lokoutou Atua, ko le Atua o atu lagi, ko le Aliki o aliki fuli, ko le Atua lasi, mo makeke mo fakaii, leia e leaise tiotio tagata ti e leaise totogi ki se moliga.

Lua tosi ki le kau Tesalonika 2:3

Ke aua na kakai koutou e se tasi i se nea fua ; talie e tonu ke soko le aposetasia i mua ti ke fakasa le tagata o le agasala, ko le vosa o le malaia,

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.

Lua tosi ki le kau Tesalonika 2:8

Ti ka oki a ia, e sa loa le tagata Agaveli, leia e tamate loa e le Aliki Sesu ki le tukumanava o lona gutu, ti mo maumaui loa ki le gigila o lana toe liliu mai.

Sosue 22:22

Atua, Atua, le Eteleno, Atua, Atua, e iloa e le Eteleno, ti e iloa loa e Iselaele le tupuaga o le nea leia na matou aga o fai. Kapau na motou fai ia se patigataa, pe ko se agatuu ki le Eteleno, ti ke aua na toe fakamauli e ia matou i le aso nei !

Apokalipisi 10:7

kae i aso o le leo o le fitu aselo, mo ka pupusi loa e ia lana fakatagi pupusi, e fakasoko loa e le Atua lana fakatuutuu fakapulipuli, ofaipe lana fakasa fakatomua ki ana tagata fakasausau, le kau polofeta.

Apokalipisi 12:14

Ti na soli loa ki le fafine a kapakau e lua o le akuila lasi ke lele ai ki le toafa, ki lona mumuniaga, ki le ganea leia e fagai ai loa a ia i se temi, mo ni temi, ti mo le vaelua o se temi, o mamao mei mata o le gata.

Apokalipisi 13:1

Ti na kau tio loa e pale mei le tai se manu leia na maua ia ni tala e kau agafulu ti mo ni ulu e fitu, ti na teki i ona tala ni pala e kau agafulu, ti na tosi i ona ulu ni igoa lauveli ki le Atua.

Apokalipisi 17:17

Talie kua tuku e le Atua ki olatou loto ke lotou fakasoko lana fakatuutuu ; e lotou loto tasi loa o soli olatou pule fakasau ki le manu fekai, o kaku ki le temi leia e fakasoko katoa ai loa a folafola a le Atua.

Apokalipisi 17:3

Ti na ave loa e ia au i le laumalie ki se toafa. Ti na kau tio loa ki se fafine na eke i se manu kula, kua apele i igoa lauveli, ti na maua ia ni ulu e fitu mo ni tala e kau agafulu.