Taniela 11:35 - Tosi Tapu

³⁵ Ti e mamate loa ni iki o le kau poto, o tupu ke fakamea latou, mo fakagigila, mo fakatea, o kaku ki le temi o le fakaoki, talie koi soko loa a ia i lona temi leia kua fakatotonu ki ai.

Taniela 11:35 ပူးပေါင်းရင်းမြစ်များ

Lua tosi o Koloniko 32:31

Kae i le temi leia na kakau mai ai loa e le kau pule o Papilone ni tagata avelogo kiate ia ke afa logo o uiga mo le fakamailoga leia na soko i lona fenua, na tiaki loa a ia e le Atua ke asiasii ai a ia, o tupu ke iloa ai a nea fuli ala e maua i lona loto.

Taagapati 17:3

E asiasii le aulo mo le siliva i le kulo saka ukamea, Kae ko leia e asiasii ia a loto, ko le Eteleno.

Esaia 27:9

Koia na fakamolemole loa i ai le agasala a Sakopo, Ti ko leinei le fua o le fakamolemole o lana agasala : Kua fakaliliu e le Eteleno a fatu fuli o aletale Ke tatau mo ni fatu lase ala kua efu ; Ti e leaise toe fakatuu ake loa ki aluga a taulaatua o Asetalate mo fakatata o le laa.

Taniela 11:27

E afa loa e sau ana e lua i ola loto ke fai se veli, ti e la femasauaki loa i le laupapa e tasi i le kaka. Kae e leaise manuia loa a ia, talie koi soko loa le fakaoki i le temi leia kua fakatuutuu.

Taniela 11:29

I se temi kua oki i le fakatuutuu, e toe liliu mai loa le sau o le noleto o taui le puleaga o le saute, ti e leaise toe soko loa a nea i le faiaga lena o tatau mo le uluaki faiaga.

Taniela 11:33

ti ko latou ala e popoto i le kakai, e ako ia loa se kakai toka api. E i ai loa ni iki e vilo loa, i se ga temi, i le seleta, mo le afi, mo le pilisoni, ti mo le fakamakeke.

Taniela 11:40

I le temi o le fakaoki, e toe malaga loa le sau o le saute kiate ia. Kae e oso loa le sau o le noleto kiate ia ofaipe se afa makeke, mo ni saliote, mo ni tagata ekeosi, ti mo se fua vaka tau lasi ; ti e ulu loa le sau o le noleto mo lana solia ki ni fenua mauke, ti e mafolafola loa a ia ofaipe se vaitafe leia kua puke.

Taniela 12:3

Ko latou ala na popoto e gigila loa ofaipe le malama o le lagi, ti ko latou ala na ako ia le faitotonu ki le kakai e gigila loa ofaipe fetuu o le lagi, o lee gato.

Taniela 12:4

Ko koe Taniela, taupau fakafufu a folafola anei, ti ke fakamau le tosi o kaku ki le temi fakamuli. I le temi loa lena, e lau loa e se kakai i le tosi, ti e tupu loa le poto o lasi.

Taniela 8:10

Na malaga loa a ia o kaku ki le kau tau o le lagi, ti na fakavilo loa e ia ki le kele se potu o le kau tau lena mo fetuu, ti na takatakafi loa e ia latou.

Taniela 8:17

Ti na au loa Kapeliele ki le ganea leia na kau nofo ai ; ti na kau i i lana fakafeofi mai kiate au, ti na kau punou loa, o fakatuu oku mata ki le kele. Na pati mai loa a ia kiate au : Tokaga, ei vosa o le tagata, talie e uiga le tio mo se temi leia e liliu loa ko le temi fakaoki.

Taniela 8:19

Ti na pati mai loa a ia kiate au : E kau fakasa atu loa kiate koe le nea leia ka soko loa i le oki o le sausau o le Atua, talie e i ai se temi leia kua fakamailoga ki le fakaoki.

Taniela 9:27

I le vasaa fakaoki, e fai loa e ia se sai makeke mo se i. Ti e fakagato loa e ia i loto malie o le vasaa a failaulau mo moliga ; e fai loa e le tagata maumau ni nea fakalialia lasi, o kaku ki le temi leia e maumaui ai loa a ia ti e vilo ai loa kiate ia le nea leia kua fakatuutuu.

Apakuki 2:3

Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Mateo 16:17

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Mateo 26:56

Kae kua soko a nea fuli ana ke fakasoko ai a folafola ala na tosi e le kau polofeta. Ti na tiaki loa a ia e le kau tisipulo fuli, kae lotou fesolaki.

Soane 15:2

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Soane 20:25

Na pati loa a la ake tisipulo kiate ia : Kua motou tio ki le Aliki. Kae na pati loa a ia kia latou : Kapau e leaise kau tio ki pu o fao i ona lima, ti kapau e leaise kau velo loku maikao ki pu o fao, ti kapau e leaise kau teki loku lima ki lona vakavaka, e leaise kau tui loa.

Gaoi 13:13

Na sopo loa Paulo mo ona kaukau nea ki le vaka i Pafosi, o ano ki Pelese i le fenua ko Pafilia. Kae na mavae loa Soane ia laua, o toe liliu ki Selusalemi.

Tetelonome 8:16

leia na fagai ia a koe i le toafa ki le mane leia na leaise iloa e ou tamana, o tupu ke fakamamae ai a koe mo asiasii ai a koe, talie ke fai kiate koe se nea leia e malie loa ki muli.

Sakopo 1:2

Ei oku fetaina, ke kotou tio ki asiasii kesekese ala e feala ke kotou felavei ia ofaipe se fiafia lasi,

Apokalipisi 14:15

Ti na ulu loa mei le fale tapu se tasi ake aselo, o kalaga leo lasi ki leia na ekeeke i le ao : Ta lau sele piko lasi, o tuuti : talie kua soko le ola ke tuuti ai le fuata, talie kua matutua le fuata o le malama nei.

Apokalipisi 17:17

Talie kua tuku e le Atua ki olatou loto ke lotou fakasoko lana fakatuutuu ; e lotou loto tasi loa o soli olatou pule fakasau ki le manu fekai, o kaku ki le temi leia e fakasoko katoa ai loa a folafola a le Atua.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.