Taniela 11:29 - Tosi Tapu

²⁹ I se temi kua oki i le fakatuutuu, e toe liliu mai loa le sau o le noleto o taui le puleaga o le saute, ti e leaise toe soko loa a nea i le faiaga lena o tatau mo le uluaki faiaga.

Taniela 11:29 ပူးပေါင်းရင်းမြစ်များ

Esaia 14:31

Matapa, ke ke tagi ! Kolo, ke ke lauga ! Fenua katoa o le kau Filisitini, ke ke lulu ! Talie kua ifo mai se afu mei le potu noleto, Ti kua kopikopi fua a atu tau o le fili.

Taniela 10:1

I le fetuu tolu o Silusi, sau o Pelesi, na fakasa loa se folafola kia Taniela, leia na fakaigoa ko Pelesatesale. Ko le folafola lena, leia ko se folafola maoki, e fakasa ia se malaia lasi. Na tokaga loa a ia ki le folafola lena, ti na matala loa a ia ki le uiga o le tio.

Taniela 11:23

I le oki o le fai o ni fakapapau mo ia, e fai loa e ia ni puleaki kaka ; e saele loa a ia ki le tau ti e malo loa a ia mo se ga kakai lavaki fua.

Taniela 11:25

E taki loa e ia se kau tau lasi, ti e fakaaoga loa e ia lona makeke mo lona toe ki le sau o le saute. Ti e tau loa le sau o le saute kiate ia mo se kau tau i mo makeke, kae e leaise makeke loa a ia, talie e fai loa ni fakatuutuu veli kiate ia.

Taniela 11:28

E toe liliu loa le sau o le noleto ki lona fenua mo se koloa lasi. E vesia loa a ia i lona loto ki le kakai o le sai maokioki, ti e fakafesagai loa a ia ki ai, ti e toe liliu loa a ia ki lona fenua i le fakaoki.

Taniela 11:30

E au loa ni vaka mei Kitimi, o taui a ia ; ti e loto gaegae loa a ia, o toe liliu. I lona itaita ki le sai maokioki, e leaise nofo noa loa a ia ; kae e toe fulusi loa e ia ona mata kia latou ala e leaise taupau ia loa le sai maokioki.

Taniela 8:19

Ti na pati mai loa a ia kiate au : E kau fakasa atu loa kiate koe le nea leia ka soko loa i le oki o le sausau o le Atua, talie e i ai se temi leia kua fakamailoga ki le fakaoki.

Gaoi 17:26

Ti na fakatupu e ia mei se tagata e tasi a puleaga fuli, ti na fakanofo e ia latou i le malama nei katoa, o fakatuutuu e ia kia latou a temi mo koiga o olatou fenua.

Kalate 4:2

talie e fakalogo a ia ki le kau tagata fai sekola mo le kau tagata taupau koloa, o kaku ki le temi leia kua fakatuutuu e lona tamana.