Taniela 11:27 - Tosi Tapu

²⁷ E afa loa e sau ana e lua i ola loto ke fai se veli, ti e la femasauaki loa i le laupapa e tasi i le kaka. Kae e leaise manuia loa a ia, talie koi soko loa le fakaoki i le temi leia kua fakatuutuu.

Taniela 11:27 ပူးပေါင်းရင်းမြစ်များ

Lua tosi a Samuele 13:26

Na pati loa Apesalone : Ke ke fakataga fua ke au loku taina ko Amone mo matou. Na pati loa le sau kiate ia : Kolea ka natu ai loa a ia ki lou kaiga ?

Pesalemo 12:2

Eteleno, ke ke fakamauli ! talie kua pupuli latou e alofa ki le Atua, Kua lavaki a tagata agatonu i vosa o tagata.

Pesalemo 52:1

Ki le pule o le kau sua. Katiko a Tavite.

Pesalemo 58:2

Pe feala ke fanaki kia koutou, mo ka kotou fakalologo ? Pe kotou fakamaau i le faitotonu, vosa o le tagata ?

Pesalemo 62:9

Atu kakai, ke kotou fanaki tuumau kiate ia, Ke kotou liligi okoutou loto i ona mua ! Ko le Atua ko lotatou mumuniaga. - Manava.

Pesalemo 64:6

E lotou fakamakeke i lalatou agaveli ; E lotou fakakaukau ni masele, E lotou pati : ko ai e tio loa kia matou ?

Taagapati 12:20

E maua le kaka i le loto o latou ala e fakakaukau ki le veli, Kae e tuku le fiafia kia latou ala e masau ki le tokamalie.

Taagapati 19:21

E lasi fakatuutuu i le loto o le tagata, Kae ko le fakatuutuu a le Eteleno leia e soko.

Taagapati 26:23

Ofaipe ni sikoli siliva e uufi ia se ipu kele, E fenaaki ni laugutu vevela e uufi ia se loto veli.

Esekiele 17:9

Ke ke pati : E folafola le Aliki, le Eteleno, o pati : Pe tupu malie loa le vite lena ? Pe leaise taaki loa e le uluaki Akuila ona aka, pe leaise motumotusi loa e ia ona fua, ke tupu ai sona gae, ti ke gini ai ona lau fuli ala na sosomo ? Ti e leaise aoga loa se makeke lasi pe ko se kakai toka api ke taaki ia ona aka.

Taniela 10:1

I le fetuu tolu o Silusi, sau o Pelesi, na fakasa loa se folafola kia Taniela, leia na fakaigoa ko Pelesatesale. Ko le folafola lena, leia ko se folafola maoki, e fakasa ia se malaia lasi. Na tokaga loa a ia ki le folafola lena, ti na matala loa a ia ki le uiga o le tio.

Taniela 11:28

E toe liliu loa le sau o le noleto ki lona fenua mo se koloa lasi. E vesia loa a ia i lona loto ki le kakai o le sai maokioki, ti e fakafesagai loa a ia ki ai, ti e toe liliu loa a ia ki lona fenua i le fakaoki.

Taniela 11:29

I se temi kua oki i le fakatuutuu, e toe liliu mai loa le sau o le noleto o taui le puleaga o le saute, ti e leaise toe soko loa a nea i le faiaga lena o tatau mo le uluaki faiaga.

Taniela 11:35

Ti e mamate loa ni iki o le kau poto, o tupu ke fakamea latou, mo fakagigila, mo fakatea, o kaku ki le temi o le fakaoki, talie koi soko loa a ia i lona temi leia kua fakatotonu ki ai.

Taniela 11:40

I le temi o le fakaoki, e toe malaga loa le sau o le saute kiate ia. Kae e oso loa le sau o le noleto kiate ia ofaipe se afa makeke, mo ni saliote, mo ni tagata ekeosi, ti mo se fua vaka tau lasi ; ti e ulu loa le sau o le noleto mo lana solia ki ni fenua mauke, ti e mafolafola loa a ia ofaipe se vaitafe leia kua puke.

Taniela 8:17

Ti na au loa Kapeliele ki le ganea leia na kau nofo ai ; ti na kau i i lana fakafeofi mai kiate au, ti na kau punou loa, o fakatuu oku mata ki le kele. Na pati mai loa a ia kiate au : Tokaga, ei vosa o le tagata, talie e uiga le tio mo se temi leia e liliu loa ko le temi fakaoki.

Taniela 8:19

Ti na pati mai loa a ia kiate au : E kau fakasa atu loa kiate koe le nea leia ka soko loa i le oki o le sausau o le Atua, talie e i ai se temi leia kua fakamailoga ki le fakaoki.

Apakuki 2:3

Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Gaoi 1:7

Na tali loa a ia kia latou : E leaise ko kotou ala e tonu ke iloa ia a temi pe ko lakaga ala na fakatuutuu e le Tamana i lona pule toka tasi.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Uluaki tosi ki le kau Tesalonika 5:1

Ki le nea o uiga mo temi ti mo lakaga, e leaise aoga, fetaina, ke kau fai tosi atu ki ai.