Taniela 11:24 - Tosi Tapu

²⁴ E ulu loa a ia i le tokamalie ki fenua malilie o le puleaga, ti e fai loa e ia le nea leia na leaise fai e ona tamana, pe ko ona tupuna ; e tufa loa e ia le koloa o le tau ki lana kakai. E fai loa e ia ni fakatuutuu ki kolo tau ; ti e fai loa e ia a nea fuli ana i se ga temi noa.

Taniela 11:24 ပူးပေါင်းရင်းမြစ်များ

Neemia 9:25

Na lotou pule loa ki ni kolo tau ti mo ni fenua malilie ; na lotou maua loa ni fale kua apele i nea malilie kesekese, mo ni sosoni kua oki i le kenu, mo ni faisaga vite, mo ni faisaga oliveto, mo ni faisaga laakau fua, o lasi ai ; ti na lotou kakai loa o makokona, ti na lotou pepeti loa, ti na lotou fiafia loa, o tupu ko lou agamalie.

Taagapati 17:8

E tatau nea alofa mo se fatu mauiga ki mata o leia e maua ia a ia ; I potu fuli e maliu ki ai e manuia a ia.

Taagapati 19:6

E toka api latou ala e vikiviki ia le tagata mauiga, Ti e fakakaukaunea tagata fuli ki le leia e solisoli.

Taagapati 23:7

Talie e fai a ia pe manatu o lona laumalie. E pati atu loa a ia : Kai ti inu ; Kae e leaise nofo lona loto mo koe.

Esekiele 34:14

E kau fagai loa latou i se faisaga malie, ti e tuu loa olatou nofoaga i mauga taualuga o Iselaele ; i ganea ana, e lotou malolo loa i se maloloaga malie, ti e lotou maua loa ni faisaga mutie sesega malie i mauga o Iselaele.

Esekiele 38:10

Koia e folafola ai le Aliki, le Eteleno, o pati : I le aso lena, e malaga loa ni manatu i lou loto, Ti e ke fai loa ni fakatuutuu veveli.

Taniela 11:23

I le oki o le fai o ni fakapapau mo ia, e fai loa e ia ni puleaki kaka ; e saele loa a ia ki le tau ti e malo loa a ia mo se ga kakai lavaki fua.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Numelo 13:20

Pe feaki le kele, pe malie pe veli, pe mauli ai ni laakau pe leai. Kotou loto toa. Kotou too loa ni fua o le fenua o aumai. Ko le temi lena o uluaki fua o le vite.

Mateo 9:4

Ti na pati loa Sesu, i lana iloa alatou manatu loto : Kolea e kotou maua ai ni manatu veveli i okoutou loto ?

Tuifakamaau 9:4

Ti na lotou soli loa kia Amaleke ni fa sikele paaga e kau fitu mei le fale tapu o Paale-Peliti. Na totogi loa e Amaleke, ki le paaga lena, ni tagata veli mo ni tagata folinoa ke lotou mulimuli iate ia.