Taniela 11:19 - Tosi Tapu

¹⁹ Ti oki a ia, e ano loa a ia ki kolo tau o lona fenua totonu ; kae e siga loa a ia o vilo, ti e leaise toe maua loa a ia.

Taniela 11:19 ပူးပေါင်းရင်းမြစ်များ

Sopo 20:8

E lele loa a ia ofaipe se moe miti, ti e leaise toe maua loa a ia ; E puli noa loa a ia ofaipe se tio i le pouli ;

Sopo 34:24

E fatii e ia le kau lalasi sala mo sakili logo, Kae toe fakanofo e ia ni iki o fetogi latou ;

Pesalemo 27:2

Ka saele mai ni tagata agaveli kiate au, Ke kai loku tino, Ko oku fili mo oku kau fakaveliveli Ala e seke ti siga ki lalo.

Pesalemo 37:35

Na kau tio ki le tagata agaveli i lona makeke katoa ; Na mafolafola a ia ofaipe se laakau sesega.

Pesalemo 37:36

Na fakalaka a ia, ti ko leinei, kua puli a ia ; Na kau afa a ia, kae e leaise kau maua a ia.

Esaia 24:20

Kua matuletule le malama nei ofaipe se tagata kona, Kua matule a ia ofaipe se fale pola ; Kua taomi a ia e lana agasala, Kua siga a ia ki lalo, Ti e leaise toe tuu ake a ia ki aluga.

Selemia 46:6

Ke aua na maua e leia e mauvave se fakamauli i le sola, Ke aua na sao leia e toa ! I le potu noleto, i laugutu o le Eufalate, E lotou tukia, e lotou sisiga.

Esekiele 26:21

E kau fakaliliu loa a koe ko se nea noa, ti e ke puli oki loa. E afa loa a koe, kae e leaise toe maua loa a koe i se aso, E pati le Aliki, le Eteleno.

Taniela 11:7

E somo ake loa se uli i ona aka o too lona tuulaga ; ti e au loa a ia o fakaii le kau tau o le sau o le noleto, i ona kolo tau. E taui loa e ia le kau tau lena, o malo.