Taniela 11:15 - Tosi Tapu

¹⁵ E saele loa le sau o le noleto, ti e fakatuu loa e ia ni fata ke taui ai a kolo tau, ti e maua loa e ia latou. E leaise feala loa ke tuu a kau tau a le sau o le saute mo lana kau solia makeke : E leaise maua loa solatou makeke ke tuu i mua o le sau o le noleto.

Taniela 11:15 ပူးပေါင်းရင်းမြစ်များ

Selemia 33:4

Talie e folafola le Eteleno, le Atua o Iselaele, Ki fale o le kolo leinei Ti mo fale o sau o Suta, Ala e laku loa ki le kele e palepale tau mo le seleta,

Selemia 5:10

Kotou kava ki ona paa, ti kotou soloi, Kae aua na kotou maumaui katoa ! Kotou tatai ona tafito vite Ala e leaise kau ki le Eteleno !

Selemia 52:4

I le fetuu iva o le sau o Setesiasi, i le aso kau agafulu o le masina kau agafulu, na au loa Nepukatenesale, sau o Papilone, mo lana solia katoa ki Selusalemi ; na lotou fakatuu loa lolatou nofolaga tau i ona mua, ti na lotou takatakai loa a ia ki ni palepale tau.

Selemia 6:6

Talie e folafola le Eteleno o kau tau, o pati : Kotou sele ki lalo laakau, Kotou fau ni palepale tau ki Selusalemi ! Ko le kolo lena e tonu ke tautea ; Talie kua apele a ia i agaveli ata.

Esekiele 17:17

Ti e leaise ano loa Falaone mo se solia lasi ti mo se kakai toka api o saofaki a ia i le tau, mo ka laga loa ni palepale tau ti mo kenu loa ni popoko ke tamate ai se kakai toka api.

Esekiele 4:2

Ke ke paaki a ia e lolotoga taui, ti ke fai ni mumuniaga, ke fakatuu ni palepale tau ki ai, ke takatakai a ia ki se nofoaga solia, ti ke takatakai a ia ki ni fana.

Taniela 11:14

I le temi lena, e agatuu loa se kakai i ki le sau o le saute. Ti e agatuu loa ni tagata agaitaita i lou kakai, Taniela, o tupu ke fakasoko ai le nea leia kua ke tio ki ai, kae e lotou mamate loa.

Taniela 11:6

I le oki o ni fetuu, e la fakatasi loa, ti e avaga loa le taine o le sau o le saute mo le sau o le noleto, o fakamaoki ai le sai mo ia. Kae e leaise taupau loa e le taine le makeke o lona lima, ti e leaise mauli loa lona avaga totonu, tatau mo lola fanau. Ti e mate loa le taine, mo lona kau kaiga, mo lona tamana, mo lona avaga leia na tokoi kiate ia i le temi lena.

Taniela 8:7

Na kau tio loa kiate ia kua fakafeofi ki le ovi tagata, o itaita kiate ia ; na taai loa e ia le ovi tagata, o fatii ona tala e lua, kae na leaise maua loa e le ovi tagata se makeke ke tuu i ona mua. Na ti loa e ia le ovi tagata ki le kele, o takatakafi a ia, ti na leaise tasi ke saofaki ia a ia.

Sosue 1:5

E leaise tuu loa se tasi i ou mua, i le temi o lou mauli. E kau nofo loa mo koe, ofaipe laku nofo mo Moisese : E leaise kau tukunoa loa a koe, e leaise kau tiaki loa a koe.