Taniela 10:9 - Tosi Tapu

⁹ Na kau logo loa ki ana masau ; ti i laku logo ki ana masau, na kau siga loa o fakapulou oku mata ki le kele, ti na kau mata fakapouli loa.

Taniela 10:9 ပူးပေါင်းရင်းမြစ်များ

Senesi 15:12

I le galo o le laa, na kaku loa se fia moe lasi kia Apalamo ; ti ko leinei na vilo loa kiate ia se i lasi mo se fakapouli lasi.

Senesi 2:21

Koia na tuku ai loa e le Eteleno Atua se fia moe lasi ki le tagata, ti na moe loa a ia. Ti na too loa e ia sona ivi vakavaka e tasi, kae na toe tapono loa e ia le kanofi.

Sopo 33:15

E masau a ia i moe miti, mo nea ala e tio ki ai i le pouli, I le temi leia e moe mate ai a tagata, I le temi leia e lotou momoe ai i olatou moeaga.

Sopo 4:13

I le temi leia e gaoi ai le moe miti le fakakaukau, Mo ka kua tuku a tagata ki se moe loloto,

Katiko o Katiko 5:2

Na kau moe, kae na alaala loku loto… Ko le leo o loku mamanaaga, leia e fitifiti : Fakamavaa mai, ei loku tuagaane, ei loku alofaaga, Laku lupe, laku saosaoa ! Talie e susu loku ulu i le sasau, E apele loku lau ulu i moti o le pouli.

Taniela 10:16

Ti ko leinei, ko se tasi leia na faipe se vosa o le tagata na fafa loa ki oku laugutu. Na fakamavaa loa e ia loku gutu, ti na kau masau loa, o pati ki leia na tuu i oku mua : Ei loku aliki, kua kau i lasi ai i le nea leia kua kau tio ki ai, ti kua puli loku makeke katoa.

Taniela 8:18

I le lolotoga o lana masau mai kiate au, na kau fakapulou oku mata ki le kele, ofaipe se tasi kua mata fakapouli. Ti na fafa mai loa a ia kiate au, ti na fakatuu loa e ia au ki aluga i le ganea leia na kau nofo ai.

Apakuki 3:16

Na kau logo… Ti na aloalofa oku tootooga. I le leo lena, e tete oku laugutu, E okioki oku ivi, Ti e lulu oku tuli : E tonu ke kau talitali fakalologo ki le aso o le mamae, Le aso leia e saele ai loa le tagata fakaveliveli ki le kakai.

Luka 22:45

I le oki o lana faikole, na tuu loa a ia ki aluga, o au ki ana tisipulo, ala na maua mai loa e ia kua tulemomoe i le mamae,

Luka 9:32

Na mamafa ai a mata o Petelo mo ona kaukau nea i le fia momoe ; kae i lalatou alaala, na lotou tio loa ki le kololia o Sesu mo tagata e toka lua ala na tutuu mo ia.

Apokalipisi 1:17

I laku tio kiate ia, na kau fakamapee loa i ona vae ofaipe se tasi leia kua mate. Kae na teki loa e ia lona lima atamai kiate au, o pati : Aua na ke i !