Taniela 10:14 - Tosi Tapu

¹⁴ E kau au i le lakaga nei o fakasa kiate koe le nea leia e tonu ke soko ki lou kakai i le temi ki muli ; talie ko le nea leia e ke tio ki ai e toe uiga foki mo le temi lena.

Taniela 10:14 ပူးပေါင်းရင်းမြစ်များ

Senesi 49:1

Na kalagai loa e Sakopo ona vosa, o pati : Kotou fakatasi mai. Ti e kau fakasa loa kia koutou le nea leia ka soko loa kia koutou i temi ki muli.

Esaia 2:2

E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Esekiele 12:27

Vosa o le tagata, ko leinei, e pati le fale o Iselaele : Ko tio ala e maua e ia e leikiaise papaliga ke soko ; E kikite a ia ki ni temi mamao.

Esekiele 38:16

E ke saele loa ki loku kakai ko Iselaele, Ofaipe se ao leia ka ufiufi ia loa le fenua. I aso fakamuli, e kau tuku loa a koe ke saele ki loku fenua, O tupu ke iloa au e atu puleaga, Mo ka ke fakasa loa, e koe, ei Koke, Ko au ko le Atua maokioki ki olatou mata !

Taniela 10:1

I le fetuu tolu o Silusi, sau o Pelesi, na fakasa loa se folafola kia Taniela, leia na fakaigoa ko Pelesatesale. Ko le folafola lena, leia ko se folafola maoki, e fakasa ia se malaia lasi. Na tokaga loa a ia ki le folafola lena, ti na matala loa a ia ki le uiga o le tio.

Taniela 12:4

Ko koe Taniela, taupau fakafufu a folafola anei, ti ke fakamau le tosi o kaku ki le temi fakamuli. I le temi loa lena, e lau loa e se kakai i le tosi, ti e tupu loa le poto o lasi.

Taniela 12:9

Na tali loa a ia : Ano, Taniela, talie e taofi fakafufu loa a folafola anei ti e fakamau loa latou o kaku ki le temi fakaoki.

Taniela 2:28

Kae e i ai i le lagi se Atua leia e fakasa ia a nea fakafufu, ti kua fakasa e ia ki le sau ko Nepukatenesale le nea leia ka soko mai loa i temi ki muli. Ko leinei lau moe miti mo nea ala na ke tio ki ai i lou moeaga.

Taniela 8:16

Ti na kau logo loa ki le leo o se tagata i loto malie o le vaitafe ko Ulai ; na kalaga loa a ia, o pati : Kapeliele, fakamatala kiate ia le tio.

Taniela 8:26

E maoki le tio o afiafi mo usu. Kiate koe, taupau fakafufu le nea leia na ke tio ki ai, talie ko se nea o uiga mo ni temi koi mamao.

Taniela 9:22

Na masau mai loa a ia kiate au, ke fakamalamai au, o pati : Taniela, kua kau au i le temi nei, o tupu ke fakamavaa lou atamai.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Mikea 4:1

E soko loa, i se temi ki muli, E laga loa le mauga o le fale o le Eteleno I le tumutumu o atu mauga, E malaga loa a ia i aluga o atu mauga liliki, Ti e tafe loa ki ai a atu kakai ofaipe ni liua.

Apakuki 2:3

Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Numelo 24:14

Ti ko leinei e kau toe liliu loa ki loku kakai. Kae i mua, au, ke kau fakasa fakatomua atu kiate koe le nea leia e fai loa e fanau a Iselaele ki lou kakai i temi ki muli.

Tetelonome 31:21

I le aso loa lena ka soko loa kiate ia ni malaia lasi mo ni mamae veli, e fakasa loa e le katiko lena ki le kakai leinei lona agaveli ofaipe se fakamaoki, talie e leaise toe galo loa a ia i le gutu o lona sakoga. E kau iloa a loto o le kakai leinei, ala foki kua kamata sa i le aso nei, kae e leikiaise kau fakaulu a ia ki le fenua leia na kau fakapapau ke soli kiate ia.

Tetelonome 31:29

Talie e kau iloa i le oki o loku mate e kotou fai loa ni nea fakalumaluma, ti e kotou maliu kese loa i le ala leia na kau fakasa kia koutou ; ti e soko loa kia koutou le malaia i temi ka au, ala e kotou fai ai loa le nea leia e veli ki mata o le Eteleno, ke tupu ai lona sausau kia koutou.

Tetelonome 4:30

I le mamae, mo ka soko loa a nea fuli ana kiate koe, e soko loa i se temi ki muli, e ke toe liliu loa ki le Eteleno, lou Atua, ti e ke fakalogo loa ki lona leo ;

Lua tosi kia Timoteo 3:1

Ke ke iloa, i aso fakaoki, e i ai loa ni temi faigataa.

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;