Taniela 1:7 - Tosi Tapu

⁷ Na soli loa e le pule o le kau enuke ni igoa kia latou, kia Taniela le igoa ko Pelesatesale, kia Anania leia ko Satalake, kia Misaele leia ko Mesake, kia Asalia leia ko Apeteneko.

Taniela 1:7 ပူးပေါင်းရင်းမြစ်များ

Senesi 41:45

Ti na soli loa e Falaone kia Sosefo le igoa ko Safinati-Paeneasi ; ti na soli loa e ia kia Sosefo a Asenate, taine o Potifela, ko le pelepitelo o Oni, ke avaga mo ia. Ti na ano loa Sosefo o fakatele le fenua katoa o Esipito.

Lua tosi o Sau 23:34

Ti na fakanofo loa e Falaone Neko a Eliakimi, vosa o Sosiasi, ke sau o fetogi a Sosiasi, lona tamana, ti na fetogi loa e ia lona igoa ki leia o Sosakimi. Na too loa e ia Soakase, leia na ano loa ki Esipito, o mate i ai.

Lua tosi o Sau 24:17

Ti na fakanofo loa e le sau o Papilone a Matania ke sau o fetogi Sosakini, lona tuatinana, ti na fetogi loa e ia lona igoa ki leia o Setesiasi.

Taniela 1:19

Na masau loa le sau mo latou ; ti na leaise tasi fua i le kau tupulaga fuli lena, na tatau mo Taniela, mo Anania, mo Misaele ti mo Asalia. Na lotou ulu loa o tausi ki le sau.

Taniela 1:3

Na tuku loa e le sau le fakatotonu kia Asipenasi, pule o le kau enuke, ke aumai ni iki i fanau o Iselaele, ala e kau i le sakoga fakasau pe ko ni famili aliki,

Taniela 10:1

I le fetuu tolu o Silusi, sau o Pelesi, na fakasa loa se folafola kia Taniela, leia na fakaigoa ko Pelesatesale. Ko le folafola lena, leia ko se folafola maoki, e fakasa ia se malaia lasi. Na tokaga loa a ia ki le folafola lena, ti na matala loa a ia ki le uiga o le tio.

Taniela 2:26

Ti na masau loa le sau, o pati kia Taniela, leia na igoa ko Pelesatesale : Pe mafai ke ke fakamatala mai kiate au le moe miti mo lona uiga ?

Taniela 2:49

Na kole loa e Taniela ki le sau ke tuku ake le pule o le fenua o Papilone kia Satalake, mo Mesake, mo Apeneteko. Kae na nofo loa Taniela i le matapa o le sau.

Taniela 4:5

Na kau fai loa se moe miti leia na tupu ai loku i lasi ; ko manatu ala na kau maua i loku moeaga ti mo nea ala na tio ki ai loku laumalie na fakaii ai.

Taniela 4:8

Na kaku fakamuli loa o aumai ki oku mua a Taniela, leia e igoa ko Pelesatesale, o mulimuli ki le igoa o loku atua, ti na maua iate ia le laumalie o atua maokioki. Na kau fakamatala loa kiate ia le moe miti :

Taniela 5:12

Talie na maua iate ia, ia Taniela, leia na fakaigoa e le sau ko Pelesatesale, se laumalie taualuga, mo se atamai, mo se poto, mo se malama ki le kikite o moe miti, mo le fakamatala o misitelio ti mo le fakatonutonu o nea faigataa. Koia, kalagai nei Taniela, ti e soli mai loa e ia lona uiga.