Taniela 1:20 - Tosi Tapu

²⁰ I nea fuli ala na aoga ki ai se poto mo se atamai, ti mo nea fuli ala na fakavesilii latou ki ai e le sau, na maua loa e le sau ia latou e lotou popoto lasi ake o tua kau agafulu i le kau fai nea fakatalatupua mo le kau sivi o le temi, ala na maua i lona puleaga katoa.

Taniela 1:20 ပူးပေါင်းရင်းမြစ်များ

Senesi 31:7

Ti na kakai au e lokoulua tamana, o fetogi tua kau agafulu e ia loku totogi ; kae na leaise fakataga e le Atua ke fai e ia se nea veli kiate au.

Senesi 41:8

I le usu, na mamae loa le laumalie o Falaone, ti na kalagai loa e ia a tagata fainea fakatalatupua fuli mo le kau poto fuli o Esipito. Ti na fakamatala loa e ia kia latou ana moe miti. Kae na leaise mafai ke fakamatala e se tasi a moe miti kia Falaone.

Neemia 4:12

Kae ko le kau Sutea, ala na nonofo i tafa o fenua ana, na au tua kau agafulu loa o fakasa mai kia matou a ganea fuli ala na feala ke lotou osoi mai ai matou.

Sopo 19:3

Ko le tua kau agafulu leinei o lakoutou lauveli kiate au ; Pe leaise kotou luma i loku fakamamae ?

Pesalemo 119:99

E kau poto ake i oku pule fuli, Talie e kau metitasio au pelesepeto.

Ekesote 7:22

Kae na toe fai foki e le kau fai nea fakatalatupua o Esipito le nea lena ki alatou nea fakatemonio. Na fakafefeka loa e Falaone lona loto, ti na leaise fakalogo loa a ia kia Moisese mo Alone, o mulimuli ki le nea leia na pati ki ai le Eteleno.

Ekesote 8:19

E kau fai loa se fakamailoga i loku kakai mo lou kakai. Ti e soko loa le fakamailoga lena i apogipogi.

Ekesote 8:7

E fakamamao loa a kelenui meiate koe mo ou fale, mei au tagata fakasausau mo lou kakai ; e toe loa fua ki kelenui o le vaitafe.

Esaia 19:3

E puli loa le laumalie o Esipito i loto malie o ona, Ti e kau maumaui loa lana fakakaukau. E oso loa a ia ki taulaatua, mo le kau fai nea fakatemonio, Mo latou ala e afa ki le kau mate, ti mo latou ala e faikikite ki le apogipogi.

Esekiele 28:3

Ko leinei, e ke poto ake ia Taniela, E leaise munia se nea fakapulipuli kiate koe ;

Taniela 1:17

Na soli loa e le Atua ki tupulaga ana e toka fa le poto, mo le atamai i faasiga faitosi fuli ti mo le poto ; ti na fakamatala loa e Taniela a tio fuli mo moe miti fuli.

Taniela 2:13

Na logologo loa le fono lena a le sau i le fenua, ke tamate le kau poto, ti na afa loa a Taniela mo ona kaukaunea ke tamate.

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Taniela 5:17

Na tali loa Taniela i mua o le sau : Taupau ou nea alofa, soli ki se tasi ake au moliga ; kae e kau lau loa le faitosi ki le sau, ti e kau fakamatala loa kiate ia lona uiga.

Numelo 14:22

Ko latou fuli ala na tio ki loku kololia mo fakamailoga ala na kau fai i Esipito mo le toafa, ala kua asiasii ia au o tua kau agafulu o kaku mai ki le aso nei, talie na leaise lotou fakalogo ki loku leo,