Taniela 1:19 - Tosi Tapu

¹⁹ Na masau loa le sau mo latou ; ti na leaise tasi fua i le kau tupulaga fuli lena, na tatau mo Taniela, mo Anania, mo Misaele ti mo Asalia. Na lotou ulu loa o tausi ki le sau.

Taniela 1:19 ပူးပေါင်းရင်းမြစ်များ

Senesi 41:46

Na fetuu kau tolu Sosefo i lana ano ki mua o le sau o Esipito ko Falaone. Ti na mavae loa Sosefo meia Falaone, o ano o fakatele le fenua katoa o Esipito.

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Taagapati 22:29

Kapau e ke tio ki se tagata leia e poto i le gaoi, E tonu ke gaoi a ia ki le sau ; E leaise tonu ke nofo fakapulipuli a ia.

Selemia 15:19

Koia e folafola ai le Eteleno, o pati : Kapau e ke toe pipiki mai kiate au, e kau tali atu loa kiate koe, ti e ke tuu loa i oku mua ; Kapau e ke vaei kese le nea leia e mauiga mei le nea leia e noa, e ke tatau loa mo loku gutu. Ko latou ala e tonu ke toe au kiate koe, Kae e leaise ko koe leia e tonu ke ano kia latou.

Taniela 1:18

I le kaku ki le temi leia na fakatuutuu e le sau ke avake ai latou kiate ia, na ave loa latou e le pule o le kau enuke ki mua o Nepukatenesale.

Taniela 1:4

ni tama tupulaga lee mele fakatino, mo mata fulumalie, mo poto, mo atamai, ti na malie lolatou ako, ti na mafai ke gaoi i le fale o le sau, ti ke ako loa kia latou le faitosi mo le masau a le kau Kaletea.

Taniela 1:5

Na fakatotonu loa e le sau ke tuku kia latou i aso taki tasi se vaega mei nea kai o lona laupapa ti mo le vino leia e inu e ia. Na loto le sau ke ako latou i ni fetuu e tolu. I le oki o fetuu ana, e lotou ulu loa o tausi ki le sau.

Taniela 1:6

Na nofo ia latou, mei vosa o Suta, a Taniela, mo Anania, mo Misaele ti mo Asalia.

Taniela 1:7

Na soli loa e le pule o le kau enuke ni igoa kia latou, kia Taniela le igoa ko Pelesatesale, kia Anania leia ko Satalake, kia Misaele leia ko Mesake, kia Asalia leia ko Apeteneko.

Taniela 2:13

Na logologo loa le fono lena a le sau i le fenua, ke tamate le kau poto, ti na afa loa a Taniela mo ona kaukaunea ke tamate.

Taniela 3:29

I le aso nei, ko leinei le fakatotonu leia e kau fai : Ko tagata fuli, mo kakai fuli, mo puleaga, mo masau fuli, e masau veli loa ki le Atua o Satalake, mo Mesake, mo Apeteneko, e tutuuti loa, ti e fakaliliu loa lona fale ko se tuuga penu, talie e leaise tasi ake atua leia e feala ke saofaki ia ofaipe ia.