Taniela 1:17 - Tosi Tapu

¹⁷ Na soli loa e le Atua ki tupulaga ana e toka fa le poto, mo le atamai i faasiga faitosi fuli ti mo le poto ; ti na fakamatala loa e Taniela a tio fuli mo moe miti fuli.

Taniela 1:17 ပူးပေါင်းရင်းမြစ်များ

Uluaki tosi o Sau 3:12

ko leinei, e kau fai loa o mulimuli ki lau kole. E kau soli loa kiate koe se loto poto mo atamai ; koia e leaise maua loa se tasi e tatau mo koe talu mei mua, ti e leaise toe tupu ake loa se tasi ke tatau mo koe ki muli.

Uluaki tosi o Sau 3:28

Na logo loa Iselaele katoa ki le fakamaau leia na fai e le sau. Ti na lotou i loa ki le sau, talie na lotou tio kua nofo le poto o le Atua iate ia, o taki a ia i ana fakamaau.

Lua tosi o Koloniko 1:10

Soli mai foki kiate au le poto mo le iloa, o tupu ke kau iloa le saele i mua o le kakai leinei ! talie ko ai e mafai ia loa ke fakamaaui ia lou kakai, le kakai lasi leinei ?

Lua tosi o Koloniko 1:12

kua tuku atu loa kiate koe le poto mo le iloa. Ti kua kau toe soli atu foki kiate koe ni koloa, mo ni nea malilie, ti mo le kololia, o lasi ake i sau fuli i ou mua ti mo sau fuli i ou muli.

Lua tosi o Koloniko 26:5

Na fakamalotoloto loa a ia o afa le Atua i le lolotoga o le mauli o Sakalia, leia na poto i le iloa o nea ala na sa mei le Atua ; ti na fakamanuia loa a ia e le Atua i le temi leia na afa ai loa e ia le Eteleno.

Sopo 32:8

Kae kua kau iloa maoki nei, i le tagata, ko le laumalie fakaatua, Ko le matagi o le gutu o le Mafimafi leia e soli ia le atamai.

Taagapati 2:6

Talie e soli e le Eteleno le poto ; E au mei lona gutu le iloa mo le atamai ;

Ekelesiasi 2:26

Talie e soli e le Atua ki le tagata leia e malie ki ona mata le poto, mo le atamai, mo le fiafia ; kae e tuku e ia ki le tagata agasala ke tokaga o tanaki mo fakatuuga, o tupu ke soli ki leia e malie ki mata o le Atua. Ko se tasi foki a ia vaiga mo tuli o le matagi.

Esaia 28:26

Talie na ako e lona Atua kiate ia le saele leia e tonu ke mulimuli ai, Ti na tuku e ia kiate ia ana akonaki.

Esekiele 28:3

Ko leinei, e ke poto ake ia Taniela, E leaise munia se nea fakapulipuli kiate koe ;

Taniela 1:18

I le kaku ki le temi leia na fakatuutuu e le sau ke avake ai latou kiate ia, na ave loa latou e le pule o le kau enuke ki mua o Nepukatenesale.

Taniela 1:20

I nea fuli ala na aoga ki ai se poto mo se atamai, ti mo nea fuli ala na fakavesilii latou ki ai e le sau, na maua loa e le sau ia latou e lotou popoto lasi ake o tua kau agafulu i le kau fai nea fakatalatupua mo le kau sivi o le temi, ala na maua i lona puleaga katoa.

Taniela 1:4

ni tama tupulaga lee mele fakatino, mo mata fulumalie, mo poto, mo atamai, ti na malie lolatou ako, ti na mafai ke gaoi i le fale o le sau, ti ke ako loa kia latou le faitosi mo le masau a le kau Kaletea.

Taniela 10:1

I le fetuu tolu o Silusi, sau o Pelesi, na fakasa loa se folafola kia Taniela, leia na fakaigoa ko Pelesatesale. Ko le folafola lena, leia ko se folafola maoki, e fakasa ia se malaia lasi. Na tokaga loa a ia ki le folafola lena, ti na matala loa a ia ki le uiga o le tio.

Taniela 2:19

Ti na fakasa loa le nea fakafufu kia Taniela, i se tio i le pouli. Ti na fakafetai loa Taniela ki le Atua o le atu lagi.

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Taniela 2:23

Atua o oku tamana, e kau fakakololia kiate koe, ti e kau fakavikiviki kiate koe i lau soli mai kiate au le poto mo le makeke, ti mo lau fakasa mai kiate au le nea leia na motou kole atu kiate koe, ti mo lau fakasa mai kia matou le nea fakapulipuli a le sau.

Taniela 2:30

Kapau kua fakasa le nea fakafufu lena kiate au, e leaise tupu e iate au se poto leia e lasi ake i le poto o tagata mauli fuli ; kae e tupu ke fakasa le fakamatala o le moe miti mo lona uiga ki le sau, ti ke iloa e koe a fakakaukau o lou loto.

Taniela 4:6

Na kau fakatotonu loa ke aumai ki oku mua le kau poto fuli o Papilone, ke fakamatala mai kiate au le uiga o le moe miti.

Taniela 5:14

Kua kau logo o uiga mo koe, e ke maua le laumalie o atua, ti e maua iate koe le tio malama, mo se atamai, ti mo se poto kese.

Taniela 7:1

I le uluaki fetuu o Pelesatesale, sau o Papilone, na fai loa e Taniela se moe miti, ti na sa loa ni tio ki lona loto i lana moe i lona moeaga. Ti na tosi loa e ia le moe miti, ti na fakamatala loa e ia a nea tafito ala na tio a ia ki ai.

Taniela 8:1

I le tolu o fetuu o le sau ko Pelesatesale, ko au Taniela, na fakatio loa au e le Atua ki se nea, leia na kese ake i nea ala na kau tio ki ai i mua atu.

Numelo 12:6

Ti na pati loa a ia : Kolua fakalogo malie mai ki aku masau ! Ka maua loa ia koutou se polofeta, ko se ata loa leia e kau sa ai loa kiate ia, a au ko le Eteleno, ti e kau masau loa kiate ia i se moe miti.

Luka 21:15

Talie e kau soli atu loa kia koutou se gutu mo se poto ala e leaise mafai ke tali ki ai okoutou fili pe ke lotou taofi.

Gaoi 6:10

Kae na leaise lotou ma tatali ia le poto mo le Laumalie leia na masau ai a ia.

Gaoi 7:10

Kae na nofo loa le Atua mo Sosefo, o saofaki a ia i ona mamae fuli ; na soli loa e ia kia Sosefo le poto mo le kalasia i mua o Falaone, sau o Esipito, leia na fakanofo ia loa a ia ke kovana i Esipito, ti mo lona fale katoa.

Gaoi 7:22

Na ako loa Moisese i le poto katoa o le kau Esipito, ti na makeke a ia i masau mo gaoi.

Kolose 1:9

Koia ko maua foki, talu mei le aso leia na ma logo ai ki le nea lena, e leaise koi gato lama faikole ki le Atua o uiga mo koutou ; e ma kole ke kotou apele i le iloa o lona finegalo, i le poto katoa ti mo le atamai fakalaumalie,

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.