Taagapati 31:9 - Tosi Tapu

⁹ Masau lou gutu, fakamaau i le faitotonu, O puipui le mativa mo le fakaaloalofa.

Taagapati 31:9 ပူးပေါင်းရင်းမြစ်များ

Lua tosi a Samuele 8:15

Na pule loa Tavite i Iselaele, ti na fakamaaui e ia lona kakai i le faitotonu.

Sopo 29:12

Talie e kau saofaki le mativa leia e kole mai ke mauli, Mo le toe sala matua leia e leai sona fanakiaga.

Pesalemo 82:3

Kotou fakamaau i le fakatotonu leia e gaegae mo leia e sala matua, Kotou fakamaau i le faitotonu leia fakaaloalofa mo leia e mativa,

Taagapati 16:12

E fakalialia a sau i le fai o le veli, Talie e fakamakeke le ekeekeaga fakasau e le faitotonu.

Taagapati 20:8

Ka eke le sau i lona ekeekeaga i le fakamaauaga, E tio ona mata ki le veli i lana uluaki fa tio.

Taagapati 29:7

E tokaga le tagata agatonu ki le kau mativa, Kae e leaise matala le tagata agaveli le poto lena.

Esaia 1:17

Kotou ako le fai o le nea e malie, kotou afa le faitotonu, Kotou puipui leia e fakavelivelii ; Kotou fai le nea e totonu ki le toe sala matua, Kotou puipui le fafine lokonui,

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Selemia 21:12

Fale o Tavite ! E folafola le Eteleno, o pati : Kotou kamata okoutou aso i le fai o ni fakamaau i le faitotonu, Kotou fakalauatea le tagata popula i lima o lona pule, Ke aua na vilo loku sausau ofaipe se afi, Ti ke aua na ula a ia kae e leaise mafai loa lona tamate, O tupu ko le agaveli o akoutou gaoi.

Selemia 22:3

E folafola le Eteleno, o pati : Kotou fai le faitotonu mo le agatonu ; kotou saofaki leia kua fakamakeke mei lima o leia e fakamakeke ake kiate ia. Aua na kotou fakavelivelii le matapule, mo le fanau sala matua, mo le fafine lokonui. Aua na kotou agaveli, ti aua na kotou liligi le toto o le tagata agatonu i le ganea leinei.

Selemia 23:5

Ko leinei, e pati le Eteleno, e soko mai loa a aso, Ala e kau fakatupu ai loa kia Tavite se uli agatonu. E nofo loa a ia ko se sau poto mo manuia, E fai loa e ia le faitotonu mo le maoki i le fenua.

Selemia 5:28

Kua lotou pepeti, ti kua lotou gigila ; Kua lotou fakalaka i fuafua fuli o le veli ; E leaise lotou fakamaau i le faitotonu, E leaise lotou fakamaau i le faitotonu le toe sala matua, leia e tonu ke malo i lona fakamaau ; E leaise lotou fai le nea e totonu ki le kau mativa.

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Levitiko 19:15

Aua na ke fai loa se tonu sala i au fakamaau : aua na ke tio loa ki le mativa o se tagata, ti aua na ke tio loa ki le mauiga o se tagata, kae e ke fakamaaui loa lou oloi o mulimuli ki le lao totonu.

Sakalia 7:9

Na folafola le Eteleno o kau tau, o pati : Ke kotou fakamaau i le faitotonu, Ti ke kotou maua le agamalie mo le manavaalofa ia koutou.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Soane 7:24

Aua na kotou fakamaaui o mulimuli ki le nea leia e sa i tafa, kae kotou fakamaaui o mulimuli ki le faitotonu.

Tetelonome 1:16

Na kau tuku loa, i le temi lena, le fakatotonu leinei ki okoutou tui fakamaau : ke kotou fakalogo ki okoutou fetaina, ti ke kotou fakamaaui i le faitotonu a visi a le tagata mo lona taina pe ko se tagata matapule.

Epelo 1:9

Kua ke alofa ki le faitotonu, ti kua ke vesia ki le agasala ; Koia, ei Atua, ko lou Atua na pani ia a koe Ki se lolo o le fiafia o lasi ake i ou kaukaunea.

Apokalipisi 19:11

Ti na oki a ia, na kau tio loa kua mavaa le lagi, ti ko leinei, na sa loa se osi tea. Ko leia na eke i ai e igoa ko Agatonu mo Maoki, ti e fakamaaui e ia, ti e tau a ia i le faitotonu.

Uluaki tosi a Samuele 19:4

Na masau malie loa Sonatane mo lona tamana ko Saulo kia Tavite : Na pati loa a ia : Ke aua na fai e le sau se agasala ki lana tagata fakasausau ko Tavite, talie na leikiaise fai fua e ia se sala kiate koe. Kae na gaoi a ia ke malie kiate koe ;

Uluaki tosi a Samuele 20:32

Na tali loa Sonatane kia Saulo, lona tamana : Kolea ka tamate ai loa a ia ? Kolea le nea leia kua fai e ia ?