Taagapati 31:26 - Tosi Tapu

²⁶ E fakamavaa e ia lona gutu i le poto, Ti e maua ni tokoi malilie i lona alelo.

Taagapati 31:26 ပူးပေါင်းရင်းမြစ်များ

Esitele 4:4

Na ano loa a fafine fakasausau a Esitele mo lana kau enuke, o fakamatala kiate ia le nea lena, ti na mamae lasi loa i ai le fafine sau. Na kakau loa e ia ke ave ni kofu o fakakofu ki ai a Maletoseo ti mo tatala lona taga, kae na leaise tali e ia latou.

Esitele 5:8

Kapau kua kau maua se kalasia i mata o le sau, ti kapau e fiafia le sau o tali malie laku kole mo fai le nea leia e kau oli ki ai, ke toe au le sau mo Amane ki le kai leia e kau teuteui loa kia laua, ti e kau tuku loa laku tali ki le sau o mulimuli ki lana fakatotonu.

Taagapati 10:31

E au mei le gutu o le tagata agatonu le poto, Kae e motusi loa le alelo veli.

Taagapati 12:18

Ko se tasi, leia e masau fakafuanoa, e fakalavea ia le loto ofaipe se seleta, Kae ko le alelo o le kau poto e ave ia le faitoo.

Taagapati 16:24

E tatau masau malilie mo le laui meli, E lotou sua malie ki le laumalie, ti e lotou fakamakeke ia le tino.

Taagapati 19:14

E feala ke maua tofiga se fale mo ni koloa mei lona tamana, Kae ko se fafine atamai ko se nea alofa a ia mei le Eteleno.

Taagapati 25:15

E peluki le sau e le kataki fualoa, Ti e feala ke fatifatii e le alelo malu ni ivi fefeka.

Taagapati 31:27

E tokaga a ia ki le nea leia e soko i lona fale, Ti e leaise kai e ia le pane o le gasueveli.

Katiko o Katiko 2:14

A koe ko laku lupe, leia e nofo i pu o le utu, Leia e mumuni i potu faigataa, Fakasa mai ou mata ke kau tio ki ai, Masau mai ke kau logo ki lou leo ; Talie e logo malie lou leo, ti e fakaaloalofa ou mata.

Katiko o Katiko 4:11

Ei laku feauaki, e sali i ou laugutu le meli, Ti e maua i lalo o lou alelo le meli mo le sua u ; Ti ko le manogi o ou kofu e faipe le manogi o le Lipane.

Malakia 2:6

Na nofo le lao o le maoki i lona loto, Ti na leaise maua le agaveli i ona laugutu ; Na saele a ia mo au i le tokamalie mo le maoki, Ti na fakamaliu e ia mei le veli ni tagata toka api.

Luka 1:38

Na pati loa Malia : Ko au ko le fafine fakasausau a le Aliki ; ke fai kiate au o mulimuli ki lau folafola ! Ti na mavae loa le aselo iate ia.

Gaoi 18:26

Ti na kamata masau fakalauatea loa a ia i le sinakoka. Na fakalogo loa kiate ia a Akilasi mo Pelesila, ti na la too loa a ia mo laua, o toe fakamatala fakatotonu ake kiate ia le ala totonu o le Atua.

Gaoi 6:15

Ko latou fuli ala na nonofo i le fono lasi, na lotou tio fakamaumau loa kia Setefano, o lotou tio loa ki ona mata kua faipe ni mata o se aselo.

Efeso 4:29

Ke aua na vilo fua mei lokoutou gutu se masau veli, kae, mo kapau e soko, se masau malie leia e aoga ki le faufau ti mo ave ia se kalasia kia latou ala e logo ki ai.

Kolose 4:5

Kotou saele tokaga kia latou ala e nonofo i fafo, ti kotou totogi le temi.

Uluaki tosi a Petelo 3:1

Fafine avaga, kotou fakataulalo i nea fuli ki okoutou avaga, o tupu, kapau e leaise fakalogo ni iki ki le folafola, ke aumai latou ki le tui e le aga a le fafine, sala folafola,

Tuifakamaau 13:23

Na tali loa le fafine kiate ia : Kapau na loto loa le Eteleno ke ta mate, na leaise tali loa e ia le failaulau mo le moliga mei ota lima, ti na leaise fakatio loa e ia taua ki nea fuli ana, ti na leaise fakasa loa e ia kia taua a nea lalasi anei.