Taagapati 30:19 - Tosi Tapu

¹⁹ Ko le fakamailoga o le akuila i le lagi, Mo le fakamailoga o le gata i le fatu, Mo le fakamailoga o le vaka i le tai ; Ti mo fakamailoga o se tagata i se taine.

Taagapati 30:19 ပူးပေါင်းရင်းမြစ်များ

Sopo 39:27

I le makeke o lona oli, e kai e ia le kele, Ti e leaise mafai ke toe nofo noa a ia mo ka kua logo a ia ki le tagi o le fakatagi pupusi.

Ekesote 22:16

Kapau e kakai e se tagata se taine taupoou leia e leikiaise fakapapau ki se tagata, ti e momoe loa le tagata lena mo le taine, e totogi loa e le tagata le taine, ti e avaga loa a ia mo le taine.

Taagapati 30:18

E i ai nea e tolu ala e fakaofolele ai kiate au, Nea e fa foki e leaise kau matala ki ai :

Esaia 40:31

Kae ko latou ala e fanaki ki le Eteleno e fakafoou lolatou makeke. E lotou toe malaga ki aluga o lele pe ni akuila ; E lotou makape, kae e leaise lotou kaekae ; E lotou saele, kae e leaise lotou gaegae.

Selemia 48:40

Talie folafola le Eteleno, o pati : Ko leinei, e lele a ia ofaipe se akuila, Ti e folasi e ia ona kapakau ki Moape.

Selemia 49:22

Ko leinei, ofaipe le akuila leia e au, e lele a ia, E folasi e ia ona kapakau ki Potesela, Ti ko le mafu o toa o Etome i le aso lena E faipe le mafu o se fafine leia e fanau.

Tetelonome 28:49

E lagai loa e le Eteleno kiate koe se puleaga mei mamao, mei potupotu o le malama nei, se puleaga leia e oso ofaipe le akuila fekai, se puleaga leia e leaise ke matala ki lana masau,