Taagapati 29:26 - Tosi Tapu

²⁶ E toka api latou ala e afa ia le alofa o leia e pule, Kae ko le Eteleno leia e tuku ia ki le tagata taki toka tasi le nea leia e tonu ke maua e ia.

Taagapati 29:26 ပူးပေါင်းရင်းမြစ်များ

Senesi 43:14

Ke alofa le Atua mafimafi o tuku ke tali malie koutou e le tagata lena ti ke kotou toe liliu mai kiate au mo lokoutou taina ko Pesamino ti mo Simeone. Ti ko au, kapau e tonu ke kau nofo sala mo aku fanau, ti ke kau sala !

Lua tosi a Samuele 14:1

Na tio loa Soape, vosa o Teselusa, kua fimalie loa le loto o le sau kia Apesalone.

Neemia 1:11

Ei Aliki, ke tokaga mai lou taliga ki le kole a lau tagata fakasausau, ti mo le kole a au tagata fakasausau ala e loto ke i ki lou suafa ! Tapuaki i le aso nei lau tagata fakasausau, o ke tuku ke maua e ia se manava alofa i mua o le tagata leinei ! I le temi aia na kau pule ki le vino a le sau.

Esitele 4:16

Ano, o fakatasii le kau Sutea fuli leia e nonofo i Suse, ti kotou sesunio kiate au, aua na kotou kai fua pe kotou inu fua i ni aso e tolu i le pouli mo le ao. Ko au foki, e kau sesunio loa mo aku fafine fakasausau, ti oki aia, e kau ano loa ki le sau, logo ai le lao ; ti kapau e tonu ke kau mate, e kau mate loa.

Pesalemo 20:9

Ko latou, e lotou mapelu ki lalo, ti e lotou sisiga ; Ko matou, e motou tuu makeke, ti e motou tutuu i aluga.

Pesalemo 62:12

Na masau le Atua o tua tasi ; Na kau logo tua lua ki le nea leinei : Ko le makeke a le Atua a ia.

Taagapati 16:14

Ko le ita o le sau ko se tagata avelogo o le mate, Ti e tonu ke fakafimalie lona loto e se tagata poto.

Taagapati 16:15

Ko le mata katakata o le sau e soli ia le mauli, Ti e fai lona alofa pe se ua o le temi fakatutupu.

Taagapati 16:33

E fai se toso ke iloa le nea leia ke fai, Kae e au a tonu fuli mei le Eteleno.

Taagapati 16:7

Ka malie a ala o se tagata ki le Eteleno, E fai e ia ke malilie mo ia ona fili foki.

Taagapati 19:21

E lasi fakatuutuu i le loto o le tagata, Kae ko le fakatuutuu a le Eteleno leia e soko.

Taagapati 19:6

E toka api latou ala e vikiviki ia le tagata mauiga, Ti e fakakaukaunea tagata fuli ki le leia e solisoli.

Taagapati 21:1

Ko le loto o le sau ko se vaitafe i le lima o le Eteleno ; E fulusi e ia a ia ki ganea fuli e loto a ia ki ai.

Esaia 49:4

Kae ko au na kau pati : Na leaise aoga o laku gaoi ; Na maumau noa loku makeke talie e leai sona fua ; Kae e fakamaoki le Eteleno kiate au, Ti e nofo le Atua mo loku fakapale.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Uluaki tosi ki le kau Kolinto 4:4

kae e leaise ko le nea lena e kau fakamatatonu ai. Ko leia e fakamaaui ia au, ko le Aliki.