Taagapati 29:25 - Tosi Tapu

²⁵ Ko le i ki tagata ko se masele, Kae ko leia e fanaki ki le Eteleno e puipui a ia.

Taagapati 29:25 ပူးပေါင်းရင်းမြစ်များ

Senesi 20:11

Na tali loa Apalaamo : Na kau pati i loku loto, e lagi leaise maua se i maoki ki le Atua i le fenua leinei, ti e tamate loa au o tupu ko laku avaga.

Senesi 20:2

Na pati loa Apalaamo ki lana avaga ko Sala : Ko loku tuagaane. Ko Apimeleke, sau o Kela, na fakatotonu ia loa ke too ake a Sala kiate ia.

Senesi 26:7

Na vesili loa le kakai o le fenua lena kiate ia ki lana avaga, ti na tali loa a ia kia latou : Ko loku tuagaane. Na i a ia i le pati ko lana avaga, talie na tamate a ia e le kakai o le ganea lena, o tupu ko le fulumalie o Lepeka.

Uluaki tosi o Sau 19:3

I le logo loa a Elia ki le nea lena, na tuu ake loa a ia ki aluga o sola ke saofaki lona mauli. Na kaku loa a ia ki Peele-Sepa, leia e kau ki Suta, ti na tuku loa e ia i ai lana tagata fakasausau.

Uluaki tosi o Koloniko 5:20

Na tokoi loa le Atua kia latou, ti na lotou malo loa i le kau Akale mo latou ala na kau mo le kau Akale. Talie i le lolotoga o le tau, na lotou tagi ki le Atua ti na tali loa le Atua kia latou talie na lotou fanaki kiate ia.

Pesalemo 118:8

E malie ake le afa o se mumuniaga i le Eteleno I le fanaki ki le tagata ;

Pesalemo 119:117

Ke ke liliu ko loku tokoi, o tupu ke kau mauli, Ti ke kau tokaga tuumau ki au fakatuutuu !

Pesalemo 125:1

Katiko o le fanoga tapu. Ko latou ala e fanaki ki le Eteleno E tatau mo le mauga o Sione : E leaise siga a ia, E tuu makeke a ia o lee gato.

Pesalemo 69:29

Ke soloi latou i le tosi o le mauli, Ti ke aua na tosi latou mo le kau agatonu !

Pesalemo 91:1

Ko leia e nofo i le potu lilo o le Taualuga E malolo i le malu o le Mafimafi.

Pesalemo 91:14

O tupu e alofa a ia kiate au, e kau fakamauli loa a ia ; E kau puipui loa a ia, talie e iloa e ia loku suafa.

Taagapati 16:20

Ko leia e fakakaukau ki nea e maua ia le fiafia, Ti ko leia e fanaki ki le Eteleno e manuia.

Taagapati 18:10

Ko le suafa o le Eteleno ko se tule makeke ; E sola ki ai le tagata agatonu, ti e maua e ia se fimalie.

Taagapati 28:25

Ko le tagata fia nealasi e fakatupu ia a fefele, Kae ko leia e fanaki ki le Eteleno e makona.

Taagapati 30:5

Ko folafola fuli a le Atua e mea. Ko se paletau a ia kia latou fuli ala e afa ia se mumuniaga iate ia.

Ekelesiasi 7:18

E malie ke ke taofi mau le tasi, ti aua na tiaki leia, talie ko leia e i ki le Atua e leaise tonu ke vilo ki nea fuli ana.

Esaia 57:11

Ti ko ai na ke tuania ia mo ke i ki ai, ke ke agatuu ai, Ke aua na ke manatu ai kiate au, ke aua na ke tokaga ai kiate au ? Pe na leaise kau fakalologo talu mei fualoa ? Koia leia na leaise i ai kiate au.

Taniela 3:28

Ti na masau loa Nepukatenesale, o pati : Ke manuia le Atua o Satalake, mo Mesake, mo Apeteneko, leia na kakau ia mai lona aselo ti na saofaki ia ana tagata fakasausau ala na fanaki kiate ia, kae na maumaui ia le fakatotonu a le sau. Na lotou malie ia ake le momoli o olatou tino i lalatou tausi mo atolasio ki se tasi ake atua kese.

Taniela 6:23

Ti na fiafia lasi loa le sau, ti na fakatotonu loa e ia ke too ake Taniela mei le popoko. Ti na too ake loa Taniela mei le popoko, ti na leaise maua fua iate ia se lavea, talie na fanaki a ia ki lona Atua.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Mateo 15:12

Na fakafeofi ake loa ana tisipulo, o pati kiate ia : Pe ke iloa na tukia le kau faliseo i lalatou logo ki le folafola lena ?

Luka 12:4

E kau pati atu kia koutou, kia koutou ala ko oku kaukau nea : Aua na kotou i kia latou ala e tamate ia le tino, ti oki, ti e leaise lotou mafai se tasi ake a nea.

Soane 3:2

leia na au loa kia Sesu i le pouli, o pati kiate ia : Pule, e motou iloa ko se toketa a koe na au mei le Atua ; talie e leaise tasi e fai ia a milakulo ana e ke fai, mo kapau e leaise nofo le Atua iate ia.

Soane 9:22

Na pati fenaaki loa ona matua talie na la i ki le kau Sutea ; talie kua tuku e le kau Sutea ke fakamavae mei le sinakoka latou fuli ala e fakasa ia ko Sesu ko le Kilisito.

Tetelonome 1:17

Ke aua na kotou tiotio tagata i se fakamaau ; ke kotou logo fakatatau ki leia e ikiiki mo leia e lasi ; ke aua na kotou i ki se tagata, talie e kotou fakamaaui i le suafa o le Atua. Ti kapau e faigataa loa se nea kia koutou, ke kotou aumai loa a ia kiate au, ke kau logo ki ai.

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.

Tuifakamaau 16:11

Kapau e sai loa au ki ni maea foou, ala na leikiaise fakaaoga, e kau liliu loa o gaegae, ti e kau fai loa pe se tagata masani.

Uluaki tosi a Samuele 15:24

Ti na pati loa Saulo kia Samuele : Kua kau agasala, talie kua kau maumaui le fakatotonu a le Eteleno, ti na leaise kau fakalogo ki au masau ; na kau i ki le kakai, ti na kau fakalogo ki lona leo.

Uluaki tosi a Samuele 21:13

Ti na fakatautau loa e ia le tagata vale i olatou mua, o fai loa e ia ni nea fakavalea i olatou mata, pe se tasi leia kua valea ona lima, o vaku e ia matapa, ti mo fakasasali e ia ona savale i lona kaukava.

Uluaki tosi a Samuele 27:1

Na pati loa Tavite i lona loto : I se aso, e kau mate loa i le lima o Saulo ; e leaise nea leia e toe malie ake kiate au, kae e kau sola loa o saofaki loku mauli i le fenua o le kau Filisitini ; o tupu ke tuku ai e Saulo loku tuli i le fenua katoa o Iselaele ; ti e kau sao loa mei lona lima.

Uluaki tosi a Samuele 27:11

Na leaise fakamauli fua e Tavite se tagata pe ko se fafine ke aumai ki Kate ; talie na manatu a ia, e mafai loa ke lotou masau veli kiate au, o pati : Na fai feneeki e Tavite. Ti ko lena lana mamio i le temi katoa leia na nofo ai Tavite i le fenua o le kau Filisitini.