Taagapati 29:24 - Tosi Tapu

²⁴ Ko leia e kaukau nea mo se tagata kaia, e vesia ki lona laumalie ; E iloa e ia le malaia, kae e leaise masau a ia.

Taagapati 29:24 ပူးပေါင်းရင်းမြစ်များ

Taagapati 15:32

Ko leia e tiaki ia le akonaki e vesia ki lona laumalie, Kae ko leia e fakalogo ki le akonaki e maua ia le atamai.

Taagapati 20:2

Ko le i ki le sau e faipe le gugulu o le laione, Ko leia e fakatupu ia lona ita e agasala kiate ia totonu.

Taagapati 6:32

Kae ko leia e momoe mo se fafine avaga e sala atamai ; I lana fai le nea lena e maumaui e ia lona laumalie totonu ;

Taagapati 8:36

Kae ko leia e agasala kiate au, E fai ia le veli ki lona laumalie ; Ko latou fuli ala e vesia kiate au e alofa ki le mate.

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Levitiko 5:1

E soko loa i se aso, e logo loa se tagata ki le afa o latou ala na tio mata ki se nea leia na soko ; ti kapau e leaise ano loa a ia o fakasa le nea leia na tio a ia ki ai pe na logo a ia ki ai, e agasala loa le tagata lena, ti e amo loa e ia lona veli.

Maleko 11:17

Ti na akonaki a ia, o pati : Pe se tosi : E igoa loa loku fale ko se fale faikole ki puleaga fuli ? Kae ko koutou, kua kotou fakaliliu a ia ko se ana o tagata kaia.

Tuifakamaau 17:2

Na pati loa a ia ki lona tinana : Ko fa sikele paaga e afe tasi mo le kau lelau e tasi, ala na kaia iate koe, ti na ke tuku ai loa ni malaia ki leia na kaia i oku mua, ko nei latou e tuku i loku fale, talie ko au leia na too ia latou. Ti na pati loa lona tinana : Ke tapuaki le Eteleno ki loku vosa !

Uluaki tosi a Samuele 20:2

Na tali loa Sonatane kiate ia : Ke mamao ai ! E leaise ke mate loa. E leaise fai e loku tamana se nea, lasi pe ikiiki, kae e leaise fakasa mai kiate au ; kolea e fufu ai loa e loku tamana le nea lena kiate au ? E leaise nea ai.