Taagapati 29:18 - Tosi Tapu

¹⁸ Ka e leaise i ai se folafola kikite mei le Atua, e mauli fakavale le kakai ; Manuia le kakai leia e tausi ia le lao a le Eteleno !

Taagapati 29:18 ပူးပေါင်းရင်းမြစ်များ

Lua tosi o Koloniko 28:19

Talie na fakataulaloi loa e le Eteleno a Suta, o tupu ko Akase, sau o Iselaele, leia na fakamaveuveu ia a Suta, ti na fai ia ni agasala ki le Eteleno.

Pesalemo 106:3

Manuia latou ala e tausi ia le lao, ala e fai ia le faitotonu i temi fuli !

Pesalemo 119:1

Manuia latou ala e saosaoa i lolatou ala Ala e saele o mulimuli ki le lao a le Eteleno !

Pesalemo 119:2

Manuia latou ala e tausi ia ana pelesepeto, Ala e afa ia a ia i lolatou loto katoa,

Pesalemo 19:11

E lotou mauiga ake i le aulo, io, i le aulo mea lasi ; E lotou sua malie ake i le meli, io, i le meli leia e sali mei laui meli.

Pesalemo 74:9

E leaise koi motou tio ki omatou fakamailoga ; E leaise koi maua se polofeta, Ti e leaise tasi ia matou e iloa ia pe kaku loa kiafea…

Ekesote 32:25

Na tio loa Moisese kua telefua le kakai, ti na tuku latou e Alone i le telefua lena, ke katai latou e ona fili.

Taagapati 19:16

Ko le tagata leia e tausi ia le fakatotonu e tausi ia lona laumalie ; Kae ko leia e leaise tokaga ki lona ala e mate loa.

Taagapati 29:19

E leaise tautea se tagata popula ki ni masau ; Talie kapau e matala foki a ia, e leaise fakalogo fua a ia.

Taagapati 8:32

I le aso nei, ei oku vosa, kotou fakalogo mai kiate au ! Ti e manuia latou ala e tausi ia oku ala !

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Mateo 9:36

I lana tio ki le kakai, na aloalofa loa a ia kia latou, talie ko se kakai fakatotoso mo gaegae ofaipe ni ovi ala e sala tagata tausi ovi.

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Soane 13:17

Kapau e kotou iloa a nea ana, e kotou manuia, kese fua ke kotou fai latou.

Sakopo 1:25

Kae ko leia e tio loloto ki le lao saosaoa, lao o le lauatea, ti e kataki fualoa o fai mau a ia, ti e leaise loto galogalo kae gaoi, ko ia lena e manuia loa i lana gaoi.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !

Uluaki tosi a Samuele 3:1

Na tausi loa Samuele ki le Eteleno, i mua o Eli. Na masau tasitasiga ai le Eteleno i le temi lena, ti na leaise maua foki ni tio.