Taagapati 29:15 - Tosi Tapu

¹⁵ Ko le laakau mo le valoki e tuku ia le poto, Kae ko le fanau leia e tuku ke faifaitalisa e fakatupu ia le luma o lona tinana.

Taagapati 29:15 ပူးပေါင်းရင်းမြစ်များ

Uluaki tosi o Sau 1:6

Na leaise fakamamae a ia e lona tamana i se aso, o pati kiate ia : Kolea e ke fai fenaaki ai ? Ti na tupulaga ai Atonisa, na tupu a ia i muli o Apesalone.

Taagapati 10:1

Taagapati a Salomone. E fai e le vosa poto le fiafia o lona tamana, Ti e fai e le vosa valea le mamae o lona tinana.

Taagapati 10:5

Ko leia e tanaki i le temi vevela ko se vosa poto, Ko leia e moe i le temi tuuti ko se vosa fakalumaluma.

Taagapati 13:24

Ko leia e leaise teki ia le laakau ki lona vosa e vesia ki lona vosa, Kae ko leia e alofa ki lona vosa e tautea a ia mo ka aoga ke fai.

Taagapati 17:21

Ko leia e fatupu ia se tagata valea e mamae loa ; E leaise feala ke fiafia le tamana o se vale.

Taagapati 17:25

Ko se vosa valea e fakatupu ia le mamae o lona tamana, Ti mo le fakasemala o leia na fanaui ia a ia.

Taagapati 19:18

Tautea lou vosa, talie koi maua se amanaki malie kiate ia ; Kae aua na ke oli ke fakamate a ia.

Taagapati 22:15

E nonoa le valea ki le loto o le toe ; Kae ko le laakau o le akonaki leia e fakamamao ia loa a ia.

Taagapati 22:6

Akonaki le toe o mulimuli ki le ala leia e tonu ke mulimuli ai ; Ti ka liliu loa a ia o matua, e leaise toe maliu loa a ia mei ai.

Taagapati 29:17

Tautea lou vosa, ti e soli atu loa e ia le malolo kiate koe, Ti e fakafiafia loa e ia lou laumalie.

Taagapati 29:21

Ko le tagata fakasausau leia na leaise ako talu lona ikiiki, E pati i le fakaoki ko se vosa a ia.