Taagapati 28:27 - Tosi Tapu

²⁷ Ko leia e solisoli ki le mativa e leaise puli se nea iate ia ; Kae ko leia e tapono ia ona mata ki le mativa e mafaia i malaia.

Taagapati 28:27 ပူးပေါင်းရင်းမြစ်များ

Taagapati 11:24

Ko leia e soli lasi e asilisili mou koloa ; Ti ko leia e tanaki fakavale e asilisili mativa.

Taagapati 11:25

Ko le laumalie leia e manava alofa e makona loa, Ti ko leia e fakavai e toe fakavai loa a ia totonu.

Taagapati 11:26

Ko leia e taofi ia le fulumeto e fakamalaia e le kakai, Kae e ifo le tapuakina ki le ulu o leia e fakatau ia a ia.

Taagapati 19:17

Ko leia e alofa ki le mativa e soli ki le Eteleno, Leia e toe liufaki ia loa kiate ia o mulimuli ki lana gaoi.

Taagapati 22:9

E manuia loa le tagata manava alofa, Talie e vaevae e ia lana pane mo le mativa.

Taagapati 24:24

Ko leia e pati ki le tagata agaveli : E ke agatonu ! E fakamalaia a ia e le kakai, e fakamalaia a ia e atu puleaga.

Taagapati 28:28

Ka malaga ki aluga le kau agaveli, e tasi mumuni le kakai, Ti ka lotou mamate, e tupu o toka api le kau agatonu.

Esaia 1:15

Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Tetelonome 15:10

E ke fai loa se alofa kiate ia, ti e ke fai loa a ia i se loto malie ; talie e tapuaki loa le Eteleno, lou Atua kiate koe, o tupu ko le nea lena, i gaoi fuli mo nea fuli ala e fafa loa ki ai ou lima.

Tetelonome 15:7

Kapau e maua loa se mativa i ou fetaina, i se kolo o le fenua leia e soli loa e le Eteleno, lou Atua kiate koe, ke aua na ke tapono loa lou loto, o fakafiti kiate ia se maua leia e kole atu e ia kiate koe.

Epelo 13:16

Aua na kotou galoi le fai nea alofa ti mo le kai solisoli, talie ko sakilifisio ana e fiafia ai le Atua.