Taagapati 28:25 - Tosi Tapu

²⁵ Ko le tagata fia nealasi e fakatupu ia a fefele, Kae ko leia e fanaki ki le Eteleno e makona.

Taagapati 28:25 ပူးပေါင်းရင်းမြစ်များ

Pesalemo 84:12

Talie ko le Eteleno Atua ko se laa ti ko se paletau : E soli e le Eteleno le kalasia mo le kololia, E leaise fakafiti e ia se nea malie kia latou ala e saele i le maoki.

Taagapati 10:12

E fakasolosolo e le vesia ni fefele, Kae e uufi e le alofa a sala fuli.

Taagapati 10:3

E leaise tuku e le Eteleno ke mamae le tagata agatonu i le fia kai, Kae e leaise soli e ia ki le kau agaveli le nea leia e lotou manumanu ki ai.

Taagapati 11:25

Ko le laumalie leia e manava alofa e makona loa, Ti ko leia e fakavai e toe fakavai loa a ia totonu.

Taagapati 13:10

E tupu fai a fefele mei le fia nealasi, Kae e nofo le poto mo latou ala e fakalogo ki tokoi.

Taagapati 13:4

E maua e le laumalie o le tagata gasueveli ni oli ala e leaise mafai ke fakasoko ; Kae e makona loa le laumalie o tagata mafi.

Taagapati 15:18

E fakatupu e se tagata itaita ni fefele, Kae ko le tagata kataki e lolomi ia ni felega.

Taagapati 15:27

Ko leia e manumanu koloa e fakamamae ia lona fale, Kae ko leia e vesia ki nea alofa e mauli loa.

Taagapati 15:30

Ko le nea leia e malie ki mata e fakafiafia ia le loto ; Ko se logo malie e fakamakeke ia le tino.

Taagapati 21:24

Ko le tagata fia nealasi, mo le tagata fia taualuga, e gologolo ki nea fuli, Ti e sa lona fia nealasi i ana gaoi fuli.

Taagapati 22:10

Kapu le tagata gologolo, ti e oki loa le fefele, Ti e gato loa a visi mo lauveli.

Taagapati 29:22

E fakatupu e le tagata itaita ni fefele, Ti e fai e le tagata loto oso ni agasala lasi.

Taagapati 29:25

Ko le i ki tagata ko se masele, Kae ko leia e fanaki ki le Eteleno e puipui a ia.

Esaia 58:11

E liliu loa le Eteleno ko lou tagata taki o lee gato, E fagai loa e ia lou laumalie o makona i potu malo, Ti e toe soli loa e ia se makeke ki ou kogatino ; E ke fai loa pe se oloto fakavai, Pe se matapuna o vai mauli leia e leaise toe masa ona vai.

Uluaki tosi kia Timoteo 6:6

Io, e maoki ko se matapuna koloa lasi le aga fakaatua mo le loto fiafia ;