Taagapati 28:15 - Tosi Tapu

¹⁵ Ofaipe se laione itaita ti mo se uluso pakupaku, E felaaki le tagata agaveli leia e pule fakamakeke ki se kakai mativa.

Taagapati 28:15 ပူးပေါင်းရင်းမြစ်များ

Lua tosi o Sau 15:16

Ti na taai loa e Menaemi le kolo ko Tifesake, mo le kakai katoa leia na nofo i ai, mo lona fenua katoa mei Tilesa ki Tifesake ; na taai loa e ia o tupu na leaise fakamavaa e ia ona matapa, ti na fakapaisi loa e ia a manava o fafine fuli na tinanae.

Lua tosi o Sau 2:24

Na tagaki loa ki muli a Eliseo, o tio ki toe, ti na fakamalaia loa e ia latou i le suafa o le Eteleno. Ti na au loa ni uluso e lua mei le vao, o kai a toe e tino fa tupu lua.

Lua tosi o Sau 21:16

Na liligi foki e Manase le toto mea o lasi ai, o kaku ki le fakaapele o Selusalemi mei leia a potu ki leia a potu, kae kese fai a agasala fuli ala na fai e ia ti na fakaagasalai ai e ia a Suta, o fai le nea leia e veli ki mata o le Eteleno.

Ekesote 1:13

Koia na fakapopulai fakaveliveli loa e le kau Esipito a fanau a Iselaele.

Ekesote 1:22

Ti na tuku loa e Falaone le fakatotonu leinei ki lona kakai katoa : E kotou ti loa ki le vaitafe a toe tagata fuli ala e tupu loa, kae e kotou tuku loa ke mauli a toe fafine fuli.

Taagapati 17:12

E malie ake le felavei mo se uluso fafine kua too ona uviki, I le felavei mo se tagata valea i lona temi valea.

Taagapati 19:12

Ko le ita o le sau e faipe le gugulu o le laione, Ti ko lona agamalie e faipe le sese i le mutie.

Taagapati 20:2

Ko le i ki le sau e faipe le gugulu o le laione, Ko leia e fakatupu ia lona ita e agasala kiate ia totonu.

Taagapati 29:2

Ka tupu o toka api le kau agatonu, e fiafia le kakai ; Kae ka pule se tagata agaveli, e lauga le kakai.

Esaia 14:5

Kua fatii e le Eteleno le tokotoko a le kau agaveli, Le laakau a le kau pule ;

Esaia 14:6

Leia na taai ia a kakai i lona itaita Ki ni tautea faisosoko ; Leia na pule i le fakamakeke ki atu puleaga, Kua tuli fakaveliveli.

Oseo 13:8

E kau osoi loa latou, ofaipe se uluso fafine leia na too ona uviki, Ti e kau saei loa le kili o lolatou mafu ; E kau kai loa latou, ofaipe se laione fafine ; E sae loa latou e manu o faisaga.

Oseo 5:11

Kua fakamakeke Efalaimi, kua fatii a ia e le tautea, Talie na mulimuli a ia ki manatu noa o lona loto.

Sofoni 3:3

Ko ona pule i loto malie o ona e fai pe ni laione kaikai ; Ko ona tui fakamaau ko ni lupo o le afiafi ala e leaise fakatoe ia se nea ki le usu.

Mateo 2:16

Ko Elote, i lana tio kua manogii a ia e le kau masi, na itaita lasi ai, ti na fakatotonu loa e ia ke tamate a toe tagata liliki fuli kua fetuu lua o ifo ki lalo, ala na nonofo i Peteleemi ti mo fenua fuli i ona tafatafa, o mulimuli ki le aso leia na afaafa logo ai a ia ki le kau masi.

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.