Taagapati 27:20 - Tosi Tapu

²⁰ Ofaipe le nofoaga o le kau mate mo le vanu e leaise makokona ; E leaise makokona foki a mata o le tagata.

Taagapati 27:20 ပူးပေါင်းရင်းမြစ်များ

Sopo 26:6

I ona mua e telefua le nofoaga o le kau mate, Ti e leaise kie lava o le vanu ki ona mata.

Taagapati 15:11

E tuu i mua o le Eteleno le nofoaga o le kau mate mo le vanu loloto ; Kae e feaki ake loa a loto o vosa o le tagata !

Taagapati 23:5

Pe ke fia tuli i ou mata le nea leia ka puli ? Talie e fai e le mou koloa ni kapakau, Ti e fai a ia pe akuila, e lele a ia ki le lagi.

Taagapati 27:19

Ofaipe le mata e tio ki lona ata i le vai, E tali foki le loto o le tagata ki le loto o le tagata.

Ekelesiasi 1:8

E gaoi a nea fuli o fakalaka i le nea leia e feala ke masau ki ai ; e leaise makona le mata i le tio, ti e leaise se kaekae le taliga i le fakalogo.

Ekelesiasi 4:8

Ko leinei se tagata leia na toka tasi malie, ti na leaise se maua sona kaukau nea, pe ko sona vosa, pe ko sona taina, kae na leaise se toe oki lana gaoi, ti na leaise toe makona ona mata i ona koloa i se aso, logo ai e pati a ia : E kau gaoi nei ma ai, ti e kau taofi le fiafia ki loku laumalie o tupu ko ai ? Ko se tasi foki a ia vaiga mo se tasi nea veli.

Ekelesiasi 6:7

E fai a gaoi fuli a le tagata o tupu ko ona oli, kae e leaise lotou fimalie i se aso.

Esaia 5:14

Koia kua fakamavaa ai le gutu o le nofoaga o le kau mate, Ti kua fakamavaa lasi ai lona gutu ; Ti e ifo loa ki ai le kau mauiga mo le kau mou koloa o Sione, Ti mo lona kakai logoa mo fiafia.

Selemia 22:17

Kae kua ke tuku ata ou mata mo lou loto Ki le manumanu koloa, Ke liligi le toto mea, Ke fai le fakaveliveli mo le fakamakeke.

Apakuki 2:5

Tatau mo leia e kona mo matasoka, E leaise mafai ke fimalie le tagata fia nealasi ; E fakamavaa laulasi e ia lona gutu ofaipe le nofoaga o le kau mate, E leaise makona a ia i se temi ofaipe le mate, E aumai e ia kiate ia atu puleaga fuli, E fakatasi e ia ki ona tafa a kakai fuli.

Akeseo 1:9

Na kotou amanaki ki se nea lasi, Kae ko leinei e kotou maua se ganea ikiiki fua ; Na kotou fakaulu a ia ki okoutou fale, kae na kau pusii a ia. Kolea lona tupuaga ? e pati le Eteleno o kau tau. O tupu ko loku fale, leia kua maumau, Kae kua kotou feoso le tagata ki lona fale.

Uluaki tosi a Soane 2:16

talie ko nea fuli ala e maua i le malama nei, a oli o le kanofi, mo le manumanu o mata, ti mo le fia nealasi o le mauli, e leaise au mei le Tamana, kae au mei le malama nei.