Taagapati 27:18 - Tosi Tapu

¹⁸ Ko leia e tokaga ki lona fiki e kai loa ki lona fua, Ti ko leia e tausi ki lona pule e fakamauiga loa.

Taagapati 27:18 ပူးပေါင်းရင်းမြစ်များ

Lua tosi o Sau 18:31

Aua na kotou fakalogo kia Esekiasi : talie ko leinei le masau a le sau o Asilia : Kotou fai se fakamalie kiate au ki se nea alofa, ti kotou ulu mai ki fafo kiate au, ti e kotou tasi kai loa lana vite mo lana fiki, ti e kotou tasi inu loa le vai o lona sosoni,

Lua tosi o Sau 3:11

Kae na pati loa Sosafate : Pe e leaise maua i leinei se polofeta a le Eteleno, leia e feala ai ke tou iloa le finegalo o le Eteleno ? Na tali loa se tasi o tagata fakasausau a le sau o Iselaele : E nofo i leinei Eliseo, vosa o Safate, leia na liligi ia le vai ki lima o Elia.

Lua tosi o Sau 5:25

Ti na ano loa Keasi ki mua o lona pule. Na pati loa Eliseo kiate ia : E ke au meifea Keasi ? Na tali loa a ia : Na leaise ano lau tagata fakasausau ki se ganea.

Lua tosi o Sau 5:27

E pipiki loa le kilia o Naamane kiate koe mo lou sakoga o lee gato. Ti na mavae loa Keasi meia Eliseo mo se kilia kua tea ofaipe le nive.

Esitele 6:11

Ti na too loa e Amane le kofu mo le osi, ti na fakakofu loa e ia ki ai Maletoseo, ti na fakaevaeva loa e ia a ia i le osi i le malae lasi o le kolo, ti na kalaga loa a ia i ona mua : E fai feneeki loa ki le tagata leia e loto le sau ke fakamauiga !

Pesalemo 123:2

Ko leinei, ofaipe mata o ni tagata fakasausau e tio tuumau ki le lima o olatou pule, Ti mo mata o le fafine fakasausau ki le lima o lona fafine pule, E agaaga foki omatou mata ki le Eteleno, lomatou Atua, O kaku ki lona aloalofa mai kia matou.

Ekesote 24:13

Na tuu ake loa Moisese, mo Sosue leia na fakasausau kiate ia, ti na pale loa Moisese ki le mauga o le Atua.

Taagapati 17:2

Ko se tagata fakasausau poto e pule ki le vosa leia e fakalumaluma, Ti e kau loa a ia i le tofiga i loto malie o fetaina.

Taagapati 22:29

Kapau e ke tio ki se tagata leia e poto i le gaoi, E tonu ke gaoi a ia ki le sau ; E leaise tonu ke nofo fakapulipuli a ia.

Taagapati 27:17

Ofaipe le ukamea e fakamatakakai ia le ukamea, E fakatupu foki e se tagata le ita o se tagata.

Taagapati 27:19

Ofaipe le mata e tio ki lona ata i le vai, E tali foki le loto o le tagata ki le loto o le tagata.

Katiko o Katiko 8:12

Ko laku vite, leia a aku, e kau taupau a ia. A au, Salomone, fa sikele e afe, Ti kau lelau lua ki le kau tau vite ! Salomone

Esaia 36:16

Aua na kotou tui kia Esekiasi ; talie ko leinei le masau a le sau o Asilia : Kotou fakatokatoka mo au, kotou fakalogo mai kiate au, ti e kotou tasi kai loa le fua o lana vite mo lana fiki, ti e kotou tasi inu loa le vai o lona fa tane,

Mateo 24:25

Ko leinei, kua kau fakasa fakatomua a ia kia koutou.

Mateo 24:46

Manuia le tagata fakasausau lena, mo ka kaku mai lona pule, o maua a ia e fai fenaaki !

Maleko 10:43

Ke aua na fenaaki ia koutou. Kae ko leia e loto ke lasi ia koutou, ke liliu a ia ko lakoutou tagata fakasausau ;

Luka 12:37

Manuia a tagata fakasausau ana ka maua mai loa e le pule e alaala, mo ka kaku mai a ia ! E kau fakasa maoki atu kia koutou : E toi loa e ia lona kilii pipi, ti e fakaeke loa e ia latou ki le laupapa kai, ti e au loa a ia o takatuu kia latou.

Luka 12:42

Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Luka 19:17

Na pati loa le sau kiate ia : Malie, tagata fakasausau agamalie ; talie na ke agatonu i se ganea ikiiki, tali e koe le pule ki ni kolo e kau agafulu.

Soane 12:26

Kapau e tausi se tasi kiate au, ke muli mai a ia iate au ; ti ko le ganea leia e kau nofo ai, e toe nofo ai foki laku tagata fakasausau. Kapau e tausi se tasi kiate au, e fakakololia loa a ia e le Tamana.

Gaoi 10:7

I le mavae a le aselo leia na masau kiate ia, na kalagai loa e Kolenelio se toka lua i ana tagata fakasausau, ti mo se tagata solia agatonu ia latou ala na tausi kiate ia ;

Uluaki tosi ki le kau Kolinto 3:8

Ko leia e to ia mo leia e fakavai ia e tatau laua, ti e la tasi maua loa lona fakapale o fakatatau ki lana gaoi.

Uluaki tosi ki le kau Kolinto 9:13

Pe leaise kotou iloa ko latou ala e fai ia a gaoi tapu e fagai e le fale tapu, ti ko latou ala e tausi i le aletale e kau ki nea o le aletale ?

Uluaki tosi ki le kau Kolinto 9:7

Ko ai leia e ano o tau, kae totogi e ia a ia totonu ? Ko ai leia e to ia se vite, kae e leaise kai a ia ki lona fua ? Ko ai leia e tausi ia se kau manu, kae e leaise inu a ia ki le sua u o le kau manu ?

Kolose 3:22

Tagata fakasausau, kotou fakalogo i nea fuli ki okoutou pule i le kanofi, o leaise gato fua i olatou mua, o sakinake ke fakamatamalie ki tagata, kae i le loto faigaofie, o i ki le Aliki.

Lua tosi kia Timoteo 2:6

Ko le tagata gaoi kele leia e pakia e tonu ke uluaki tau ia a fua.

Uluaki tosi a Petelo 2:18

Tagata fakasausau, kotou fakataulalo mo se loto fakaapaapa katoa ki okoutou pule, o leaise gato fua kia latou ala e agamalie mo agamalu, kae kia latou foki ala e agaitaita ;

Uluaki tosi a Petelo 2:21

Ti na kalagai koutou ki ai, talie na mamae foki Kilisito o tupu ko koutou, ke tuku atu kia koutou se faifaitakiaga, o tupu ke kotou muli i ona lakaaga,

Uluaki tosi a Samuele 2:30

Koia ko leinei le nea leia e fakasa e le Eteleno, le Atua o Iselaele : Na kau fakasa e saele loa lou fale mo le fale o lou tamana i oku mua o lee gato. Kae i le aso nei, e pati le Eteleno : Ke mamao le nea lena iate au ! talie e kau siki loa ki aluga leia e fakaapaapa loa kiate au, kae e kau tuku loa ki lalo leia e nukinuki loa kiate au.